8鍋臭臭鍋 (金巴利道) (已結業)

今日终于黎到位于金巴利道77号既8锅臭臭锅，呢度地方阔落，坐得好舒服，唔会好似一啲火锅店咁位贴位，就算满座都坐得舒服。汤底选择好多，今次拣咗招牌臭臭锅同酸辣羊肉锅。招牌臭臭锅汤底清甜，入面款式多，臭豆腐好够入味，鸭血大大旧，有置身于台湾嘅感觉。仲有惊喜嘅鹌鹑蛋，唔系好多地方食到。酸辣羊肉锅：酸酸辣辣咁，配合羊肉好夹，今次仲叫咗增量羊肉，份量好多，食肉一族啱晒，另外加左鬼椒，辣得来有种独特风味，食辣人士必食👍🏻👍🏻另外依加做紧优惠一口臭豆腐，正宗台式臭豆腐，酥脆外皮，软滑豆腐，钟意食台式臭豆腐人士不容错过。另外仲叫咗一客油炸鬼，金黄香脆，点落啲汤度吸晒汤嘅精华，正👍🏻👍🏻👍🏻另外，叫咗两杯嘢饮，分别系香芋奶茶同冻柑桔柠檬梳打，香芋奶茶芋头味充足，又唔会太甜，正！至于冻柑桔柠檬梳打够晒清亮，啱晒夏天饮👍🏻👍🏻台式臭臭锅，10分好食钟意食台式嘢嘅人，不容错过👍🏻👍🏻