影片
更多
2023-02-24
113 浏览
Akoya呢間日式居酒屋一直都有好高嘅評價有好多人推薦，前排朋友生日話想去食居酒屋，二話不說就提議咗話食呢間~ 入面裝修好有日式居酒屋嘅感覺，簡單得黎又好整淨~同類型搜尋︰#heyzoeat尖沙咀明太子煎蛋卷 HK$78明太子煎蛋卷係呢到嘅招牌菜，我地都決定嗌一份黎試下；一切開個煎蛋卷，啲明太子多到瀉出黎咁~ 蛋皮亦都煎得好滑嫩，鍾意食明太子嘅人應該好鍾意食呢道菜~燒雞泡魚乾 HK$98雞泡魚乾係每次去居酒屋必點嘅菜式，味道正正常常，但呢個份量配呢個價錢係有啲唔抵~明太子炭火燒飯團 HK$78呢個飯團反而有啲驚喜，第一次食飯團會食到有脆卜卜飯焦；明太子放咗係飯團上面，一齊食感覺唔會好dry~雞湯卡邦尼拌烏冬 HK$88呢個烏冬好creamy，佢同平時啲卡邦尼烏冬好唔同，呢個係加咗雞湯落去整，烏冬上面又灑咗大量芝士碎，好邪惡~ 如果煙肉有微微烘過，口感會更佳~自家製免治雞肉串 HK$36雞肉串味道正常，點少少醬汁一齊食會更好味~豚五花肉 HK$45呢個烤五花肉，周邊燒到微微脆脆地，但又唔會覺得好油膩，唔錯~黑豚軟骨蔥鹽汁燒 HK$68起初以為呢個都係串燒黎，點知原來係一碟豬軟骨；呢個豬軟
呢間日式居酒屋一直都有好高嘅評價有好多人推薦，前排朋友生日話想去食居酒屋，二話不說就提議咗話食呢間~ 入面裝修好有日式居酒屋嘅感覺，簡單得黎又好整淨~
同類型搜尋︰#heyzoeat尖沙咀
明太子煎蛋卷 HK$78
明太子煎蛋卷係呢到嘅招牌菜，我地都決定嗌一份黎試下；一切開個煎蛋卷，啲明太子多到瀉出黎咁~ 蛋皮亦都煎得好滑嫩，鍾意食明太子嘅人應該好鍾意食呢道菜~
燒雞泡魚乾 HK$98
雞泡魚乾係每次去居酒屋必點嘅菜式，味道正正常常，但呢個份量配呢個價錢係有啲唔抵~
明太子炭火燒飯團 HK$78
呢個飯團反而有啲驚喜，第一次食飯團會食到有脆卜卜飯焦；明太子放咗係飯團上面，一齊食感覺唔會好dry~
雞湯卡邦尼拌烏冬 HK$88
呢個烏冬好creamy，佢同平時啲卡邦尼烏冬好唔同，呢個係加咗雞湯落去整，烏冬上面又灑咗大量芝士碎，好邪惡~ 如果煙肉有微微烘過，口感會更佳~
自家製免治雞肉串 HK$36
雞肉串味道正常，點少少醬汁一齊食會更好味~
豚五花肉 HK$45
呢個烤五花肉，周邊燒到微微脆脆地，但又唔會覺得好油膩，唔錯~
黑豚軟骨蔥鹽汁燒 HK$68
起初以為呢個都係串燒黎，點知原來係一碟豬軟骨；呢個豬軟骨口感偏爽口，唔錯~ 加分會係旁邊啲配菜，食到一半開始覺得食肉有啲膩，啲菜又幾爽口~
美國牛腹肉串 HK$78
好少牛嘅串燒會唔係well done 牛，呢個外面微微燒過，入面係依然粉嫩，而且仲好有肉味，好食~
豚肉車厘茄 HK$36
呢個燒得剛剛好，車厘茄好juicy，豚肉包住車厘茄一齊食，口感好fresh~
自家製布丁 HK$38
呢個布丁幾值得推薦，質地超級滑嫩，旁邊有焦糖醬，但配埋布丁一齊食又唔會太甜~
柚子雪葩 HK$38
呢個雪葩嘅柚子味都算出，口感清新
整體感覺
呢間居酒屋環境好啱同朋友放工黎食下飯飲下野，食物質素又未至於人地講到好到咁誇張，串燒啲人唔知點解好似食極都係一樣味咁，可能係用同一醬汁去醃；順帶一提，呢間居酒屋有好多女性客人，冇咩男性客人在場，我同朋友估係因為份量偏少，唔夠男仔食
张贴
