影片
更多
2024-09-03
7513 浏览
GoodDay BadDay MamaDay📍尖沙咀加连威老道27-27A号嘉荣大厦地舖及1楼我嘅大学好友准备结婚啦，有幸成为佢嘅姊妹一员，喺星期六专程相约去度身做裙，朋友都有嚟陪我。度完身、试完裙，我哋仲去埋The One个snoopy pop up添，之后决定去bookmark良久，朋友多次回访嘅人气玩味餐厅，GoodDay BadDay MamaDay食个early dinner！店内装修别树一格，有数之不尽嘅公仔、海报同装饰品，净系打卡都够玩成个钟，而餐点名都搞笑过人，menu设计更加系世界级正，连玻璃台下都系用彩色Lego装饰而成，环境气氛无得顶！ 💰$188鹅肝杠上肝菌饭讲十次 🍛鹅肝煎得香口，闻落油香四溢，食落近乎入口即化，油香仲会喺口中散发，颇有惊喜。至于risotto就有好浓烈嘅牛肝菌香气，整体香而不腻，一啖尽食菌香、鹅油香同酱香，非常值得一试。 💰$148黄金软壳蟹忌廉意粉 🍝Fettuccine宽宽扁扁带点厚度，最适合配较浓稠嘅酱汁或芝士调味，所以餐厅选用统称为「金沙」嘅咸蛋黄酱实在非常明智，加埋忌廉一齐煮，口感更creamy！软壳蟹炸得香口酥脆，配上大量菇菌点缀
📍尖沙咀加连威老道27-27A号嘉荣大厦地舖及1楼
我嘅大学好友准备结婚啦，有幸成为佢嘅姊妹一员，喺星期六专程相约去度身做裙，朋友都有嚟陪我。度完身、试完裙，我哋仲去埋The One个snoopy pop up添，之后决定去bookmark良久，朋友多次回访嘅人气玩味餐厅，GoodDay BadDay MamaDay食个early dinner！
店内装修别树一格，有数之不尽嘅公仔、海报同装饰品，净系打卡都够玩成个钟，而餐点名都搞笑过人，menu设计更加系世界级正，连玻璃台下都系用彩色Lego装饰而成，环境气氛无得顶！
[价钱 Price]
💰$188
鹅肝杠上肝菌饭讲十次 🍛
鹅肝煎得香口，闻落油香四溢，食落近乎入口即化，油香仲会喺口中散发，颇有惊喜。至于risotto就有好浓烈嘅牛肝菌香气，整体香而不腻，一啖尽食菌香、鹅油香同酱香，非常值得一试。
[价钱 Price]
💰$148
黄金软壳蟹忌廉意粉 🍝
Fettuccine宽宽扁扁带点厚度，最适合配较浓稠嘅酱汁或芝士调味，所以餐厅选用统称为「金沙」嘅咸蛋黄酱实在非常明智，加埋忌廉一齐煮，口感更creamy！软壳蟹炸得香口酥脆，配上大量菇菌点缀，尽是滋味！
[价钱 Price]
💰$145
好邪恶嘅咸蛋牛油果蟹肉比萨咩叫减肥 🍕
好邪恶！真系好邪恶！大量芝士加咸蛋酱抹满整块薄身脆pizza，完美地放上六只蟹钳，随心洒上蟹肉、切粒牛油果同切片番茄仔，再放上沙律菜装饰，卖相相当吸引，多重口感，多重享受。脆脆嘅pizza边唔会过干，芝士同咸蛋味道适中唔会过咸，虽然好邪恶，但一啲都唔肥腻！
[价钱 Price]
💰$56
士多啤梨奶昔 🍓
个人认为呢间餐厅嘅饮品比食物同甜品出色，尤其系喺热辣辣又翳焗嘅天气下，饮到一杯透心凉嘅饮品，真系特别加分！而且我钟意佢哋嘅饮品唔花巧，除咗用啲比较有特色嘅玻璃杯装住外，相比起其他餐点，佢哋嘅卖相都唔会华而不实，纯粹系一杯杯简单、清凉、解渴嘅饮品。
朋友好钟意饮milkshake，考虑到我唔食得太多香蕉，所以佢拣咗strawberry milkshake试试。细细一杯淡粉红色嘅milkshake带有淡淡嘅士多啤梨香气，食到少许果肉同果籽，唔会有粒粒碎冰，口感顺滑，味道清甜唔假，推介！
[价钱 Price]
💰$56
夏日热辣辣，好热好热降温椰子沙冰 🥥
而我就叫咗一杯椰子沙冰，个名又系改都好鬼马，望住啲字个脑就已经响起「夏日热辣辣，吃西瓜消暑解渴；夏日热辣辣，喝一杯冻柠檬茶！」呢几句歌词，劲好笑！椰子沙冰分量都几大，而且冰度十足，上面仲放咗一球海盐雪糕，丝丝咸味令本身已经好香浓嘅椰子味更突出，半溶嘅雪糕加上frappe嘅绵滑，配pizza、risotto呢类较饱腻嘅主食最为佳！
[价钱 Price]
💰$68
唔甜的紫薯蛋糕 🍰
自家制嘅紫薯蛋糕非常精美，蛋糕共有四层，薄薄嘅饼底为底层，数上去有紫薯cream cheese同幼滑嘅mousse，而最顶层就铺满紫薯蓉，层次分明，口感丰富细腻，而且食到紫薯自身嘅甜味，想食甜品但怕肥嘅朋友可以考虑一试！
[价钱 Price]
💰$68
焙茶芝士蛋糕 🍰
另一款cheesecake朋友拣咗焙茶口味，整体口感唔算柔软，偏硬身、扎实，胜在茶味香醇，饼底相比下较为厚身，食完唔会有好腻嘅感觉。
张贴
