影片
更多
2024-05-04
427 浏览
通常落雨唔知去边到好，就会想坐Café。一直都听闻呢一间嘅朱古力好出色，所以食饱饱都特登过嚟坐吓，试吓佢嘅朱古力。以前曾经喺到食过主食，觉得味道还好。所以今次特登过嚟净系食甜品，最后反而系期间限定嘢饮令到我觉得惊喜。‣ Crazy Chocolate $55 ⭐️⭐️⭐️✨话明系痴_线朱古力，佢一拎上枱𠮶阵就觉得佢嘅邪恶指数爆灯。我觉得佢嘅朱古力味都几算重，但系本身个底唔算话好甜，佢系靠面头嘅朱古力碎拎啲甜味，而我觉得白朱古力喺入面𠮶阵味好突出，不过我自己个人唔算好钟意白朱古力。嘢饮就真系打卡一流，但系未至于去到话好好饮或者超级浓郁，佢入口嘅时比较暖，再热少少就好啦。‣ Orange Mocha $53 (+$5 Oat Milk） ⭐️⭐️⭐️⭐️✨我见到佢特别标注有酒精成份，但系其实入口嘅时候唔觉，我系饮唔出有酒味。因为唔想饮太多牛奶太肥，所以转做燕麦奶，但系我觉得味道好出色。入口嘅时候真系饮得出有咖啡味、燕麦奶嘅味道同埋好浓郁嘅香橙味，而我觉得佢嘅香橙味令到成杯嘢饮好fresh，将咖啡嘅香味提升，橙嘅味道啱啱好、唔会话好酸或者好甜，所以第一啖饮完之后已经好钟意。可惜呢一款写咗系期间限定，开心系
‣ Crazy Chocolate $55 ⭐️⭐️⭐️✨
话明系痴_线朱古力，佢一拎上枱𠮶阵就觉得佢嘅邪恶指数爆灯。我觉得佢嘅朱古力味都几算重，但系本身个底唔算话好甜，佢系靠面头嘅朱古力碎拎啲甜味，而我觉得白朱古力喺入面𠮶阵味好突出，不过我自己个人唔算好钟意白朱古力。嘢饮就真系打卡一流，但系未至于去到话好好饮或者超级浓郁，佢入口嘅时比较暖，再热少少就好啦。
‣ Orange Mocha $53 (+$5 Oat Milk） ⭐️⭐️⭐️⭐️✨
我见到佢特别标注有酒精成份，但系其实入口嘅时候唔觉，我系饮唔出有酒味。因为唔想饮太多牛奶太肥，所以转做燕麦奶，但系我觉得味道好出色。入口嘅时候真系饮得出有咖啡味、燕麦奶嘅味道同埋好浓郁嘅香橙味，而我觉得佢嘅香橙味令到成杯嘢饮好fresh，将咖啡嘅香味提升，橙嘅味道啱啱好、唔会话好酸或者好甜，所以第一啖饮完之后已经好钟意。可惜呢一款写咗系期间限定，开心系饮完觉得唔会后悔。
‣ French Cat Toast & Ice cream $68 ⭐️⭐️⭐️
佢嘅卖相都好靓，但系其实影相𠮶阵冇特别留意系咪真系喵喵造型。因为多士上面已经有雪糕，所以都冇特别附上糖浆，而我觉得就咁蘸雪糕食都已经好甜。第一啖食落嘅时候觉得蛋味都好浓，但系食到最后嘅时候开始食到一啲油腻感，𠮶下就觉得唔系太想再食。不过呢个价钱我觉得系几抵食嘅，两个人分享系唔错的。如果俾我再拣多次，我可能会试吓食卷蛋。
#foodbara_diary
张贴
