漁道樂 (已結業)

之前放假同男朋友出去食好西，佢带左我去试呢间高质日本野。刺身鲜甜又好味，环境仲要几靓，坐得好舒服。❀象拔蚌刺身❀第一次食象拔蚌刺身，平时打边炉就食得多，生食估唔到都几好味，象拔蚌边边好似波浪咁卷起，口感鲜嫩爽脆&滑溜。❀唐扬池鱼仔❀份量好多，觉得好岩送酒，炸到金黄香酥，一啖咬落口，连骨都食埋，唔怕会拮到，即使炸完肉质都咁嫩滑。❀生蚝、左口鱼裙边寿司❀生蚝大大只又肥美，海水味唔太重；一啖食哂好邪恶🥰左口鱼边油脂特别丰富，入口满口鱼油香。❀牡蛎和牛❀以为系和牛寿司，点知个底系生蚝，两者又几夹，生蚝中和左和牛既油腻感，再encore食多几旧都得💕❀明太子玉子烧❀有成8旧咁多，一人食4旧，明太子同玉子烧呢个经典组合，咸香得黎又有少少甜，唔错。❀牛油果云丹天妇罗❀摆盘好似孔雀开屏咁好好睇，天妇罗炸浆好薄，食落脆卜卜，牛油果海胆天妇罗食落好creamy。❀士多啤梨、菠萝乳酸❀食咁多野饮下酸酸甜甜既特饮，好大杯，解渴一流。