影片
更多
2021-08-26
5168 浏览
暑假Staycation最后一击，拣左尖沙咀凯悦酒店，包标准客房1晚，双人自助早餐同自助午餐，平日入住，总数$1345.9。Check-in之前系Cafe食个自助午餐先，呢度无限时间，一齐睇下有咩食啦！首先一入门口就见到传说中既多款卷蛋，卖相非常吸引。一共有六款口味，我全部都试一次先！要请服务员帮手攞。马达加斯加云呢拿及鲜莓系酥皮底，非常非常酥脆，好正！少有自助餐可以任食呢个质素既酥皮糕点！而上面既马达加斯加云呢拿忌廉系好好味道又唔腻！鲜莓有草莓同蓝莓。70度厄瓜多尔朱古力都系酥皮底，质素一样高！不过个人觉得朱古力味较为苦。港式奶茶都系酥皮底，质素一样好高。不过个人觉得港式奶茶味道唔够到位。草莓云呢拿卷蛋非常好食，蛋糕好湿润而云呢拿忌廉又香又滑而完全唔腻，卷蛋入面都有新鲜草莓。猫山王榴梿卷蛋既榴梿味道我就觉得可以再浓d。泰式芒果糯米卷蛋就最差，太实但系又唔觉有糯米味道或者质感。不过自助餐有呢种质素既蛋糕好抵食！卷蛋隔离就系甜品柜，要请服务员帮手攞。梛汁西米布甸草莓芝士蛋糕：好浓厚又滑，好正印度糖球绿茶梛子蛋糕：麻麻地草莓忌廉泡芙：正常鲜莓挞：挞底都可以，另外仲有蓝莓挞另外仲有甜品放系雪
首先一入门口就见到传说中既多款卷蛋，卖相非常吸引。一共有六款口味，我全部都试一次先！要请服务员帮手攞。
马达加斯加云呢拿及鲜莓，草莓云呢拿，70度厄瓜多尔朱古力，猫山王榴梿，港式奶茶，泰式芒果糯米
95 浏览
2 赞好
0 留言
马达加斯加云呢拿及鲜莓系酥皮底，非常非常酥脆，好正！少有自助餐可以任食呢个质素既酥皮糕点！而上面既马达加斯加云呢拿忌廉系好好味道又唔腻！鲜莓有草莓同蓝莓。
70度厄瓜多尔朱古力都系酥皮底，质素一样高！不过个人觉得朱古力味较为苦。
港式奶茶都系酥皮底，质素一样好高。不过个人觉得港式奶茶味道唔够到位。
草莓云呢拿卷蛋非常好食，蛋糕好湿润而云呢拿忌廉又香又滑而完全唔腻，卷蛋入面都有新鲜草莓。
猫山王榴梿卷蛋既榴梿味道我就觉得可以再浓d。
泰式芒果糯米卷蛋就最差，太实但系又唔觉有糯米味道或者质感。
不过自助餐有呢种质素既蛋糕好抵食！
甜品
99 浏览
0 赞好
0 留言
卷蛋隔离就系甜品柜，要请服务员帮手攞。
杨枝甘露，奇亚籽布甸，草莓芝士蛋糕，绿茶梛子蛋糕，鲜莓挞，草莓忌廉泡芙
75 浏览
0 赞好
0 留言
梛汁西米布甸
草莓芝士蛋糕：好浓厚又滑，好正
印度糖球
绿茶梛子蛋糕：麻麻地
草莓忌廉泡芙：正常
鲜莓挞：挞底都可以，另外仲有蓝莓挞
甜品，水果
86 浏览
0 赞好
0 留言
另外仲有甜品放系雪柜，可以自己攞。
朱古力慕丝车厘子
草莓荔枝奶冻：味道唔错
意大利芝士饼
杨枝甘露：正常
奇亚籽布甸：似西米布甸多d
雪柜都有水果，有切块既火龙果，菠萝，哈蜜瓜，西瓜，同未剥壳既龙眼，大部分质素正常。
芒果糯米饭
73 浏览
0 赞好
0 留言
芒果糯米饭：质素几好，糯米饭椰香味十足！
哈根大师雪糕
82 浏览
0 赞好
0 留言
哈根大师雪糕：虽然无写清楚，但系一看就知系哈根大师出品。一共有六款口味，分别系咖啡，朱古力，云呢拿，绿茶，芒果，草莓。质素有保证，真系抵到烂，我encore左好多次！虽然要服务员帮你笔，不过好少要排队。记得饮品站附近有雪糕toppings可以自己加，分别有gummy bear，M&M's，朱古力，谷物干果，软糖等等。
班戟
69 浏览
0 赞好
0 留言
呢度居然有即制班戟食！仲有两款口味，分别系士多啤梨班戟，同朱古力香蕉班戟。
朱古力班戟
54 浏览
1 赞好
0 留言
朱古力班戟好少见，当然要试试。班戟带淡淡既朱古力味道，而质感系薄脆，好正！仲可以要求配士多啤梨，或者自己加香蕉或者士多啤梨，配哈根大师雪糕，一冷一热，又脆又滑，非常正！我encore左一次！
班戟站隔离有豆腐花，三色冰。
豆腐花唔够滑。
总括而言，甜品都几高质同多选择，满意！
立鱼，鱿鱼，三文鱼，赤身
61 浏览
0 赞好
0 留言
刺身有四款，分别系立鱼，鱿鱼，三文鱼，赤身，质素正常，我无encore。另外有细细兜鱼生饭，主要系三文鱼粒同三文鱼籽，所以我都无食。
刺身隔离有寿司同卷物各两款，我无试。
冻海鲜有四款，分别系青口，虾，蟹，蚬。蚬可以，青口麻麻地。
沙律选择少，主要系捞好既沙律，有南瓜沙律，番茄芝士沙律，凯撒沙律，质素正常。
前菜有三款，分别系麻辣海带，香辣藕片，陈醋云耳。我无试。
芝士有三款，分别系软芝士，伊丹芝士，安达文芝士。我试过软芝士，质素正常，而且攞完会添加。
烟三文鱼，巴马火腿，冻肉
49 浏览
0 赞好
0 留言
沙律隔离有烟三文鱼，巴马火腿同冻肉。烟三文鱼正常，巴马火腿几好食。旁边有蜜瓜同面包配冻肉食。
自制肝酱我就无试。
过左甜品同冷盘区之后外围就系热食区。热食区分好多唔同菜式，除左一定有既西式同中式之外，仲有韩式，日式，泰式同印度区。其实每区食物选择唔算多，只系胜在咩都有啲，感觉上好似有选择。
韩式海鲜煎饼唔觉有海鲜。
韩式香辣炸鸡配年糕就几好味道，年糕烟烟韧韧，上面仲洒上白芝麻粒。
泡菜有三款，分别系大白菜，芽菜同青瓜，太咸。
天妇罗
43 浏览
0 赞好
0 留言
天妇罗好失望，居然得番薯同粟米。番薯系可以但系粟米系无味。
烧味档
47 浏览
1 赞好
0 留言
天妇罗区隔离就系烧味档。烧味有叉烧，切鸡，烧腩仔，同烧鹅，要等师傅切比你。烧腩仔最正，坚脆皮又半肥瘦。烧鹅都有脆皮而鹅肉算嫩。叉烧有㶶边同半肥瘦。
粉面档有幼面同油面，配料有牛丸，鱼蛋，红肠，豆卜，芽菜，生菜。可以叫叻沙汤面或者越式生牛肉汤粉。
汤得一款中式炖汤，无西汤但系有泰式汤。
中式食物有花生猪脚，牛肉芽菜豆卜，八爪鱼，肉碎四季豆，西兰花，春卷，炒面，炒饭。老实讲，好唔吸引。不过肉碎四季豆系好食既。
西式食物就完全系另外一边。有牛油梛菜花，炸南瓜饼，忌廉猪肉肠长通粉，火腿菠萝薄饼，炸鱼柳，烧牛舌，烧猪柳，肉丸。烧牛舌系可以既，烧猪柳都算嫩，不过唔会令人想encore。牛油梛菜花反而几好食。
附近有慢烧西冷扒，烧猪腩卷，烤菠萝。慢烧西冷扒我就麻麻地，虽然都嫩，不过我同行友人就食好多。烧猪腩卷外皮好脆，肉质都好嫩。
泰式食物得冬阴公汤同红咖哩鸭。红咖哩个汁好香好好味，少少辣好惹味，我用呢个汁捞菜食。
最后就系印度区，呢区反而好多选择：
羊肉咖哩：唔太韧或者过膻
杂菜咖哩
印式牛油烤鸡
印式鱼咖哩
印式香饭
扁豆咖哩
茄子咖哩：较咸
天多利烤鸡：唔算韧
牛油烤饼
印式香脆薄饼：坚薄脆
咖哩味道我觉得冇咁正宗，可能为左迎合港人口味，我自己觉得只系略咸。
每人包一杯餐饮，唔包朱古力。2点半就开始收野。
总括而言，今餐食得好舒服，唔洗同人逼或者不断排队又无限时。虽然热食同冷盘都麻麻地，选择又少，贵价野欠奉，不过都有少量好食既野，一定会饱。甜品实在系几出色，绝对值回票价！服务员基本上个个都好好。餐厅座位分散而装修舒服，唔会觉得逼。我奇怪系，点解少人黎呢度既?
张贴
