灜鐵板燒

营业中

休息中

尖沙咀鬧市入邊又有新發現🙂晚上嚟到呢間鐵板燒已經坐滿晒大半嘅座位，呢度座位闊落坐得幾舒服！黑魚子鵝肝蒸蛋上面有粒粒黑魚子好奢華，佢哋嘅器皿係雞蛋形狀嘅陶瓷，再放喺手上面，非常之得意！鵝肝真係好香，香味滲晒落去蒸蛋入面👍🏻大海虎蝦師傅處理大蝦嘅手法好勁，三兩下手勢就將成個蝦肉拎咗出嚟😺係視覺享受！虎蝦好大隻啲肉爽口啖啖肉！火炙鹹蛋黃醬鱈魚佢哋嘅火焰蛋黃醬真係好正😆本身見到師傅加咗啲特製嘅醬汁，諗咗好耐到底係咩！師傅開估係蛋黃醬嘅時候真係好興奮，蛋黃醬鹹鹹香香，更能夠帶出魚香，說魚皮分開咗，成塊都煎到脆卜卜，好好食！佐賀牛佐賀牛一向都好食，師傅用牛包住蒜粒同埋蔥花，令成個味道提升😺醬汁方面更加特別，有沙律醬+Wasaibi+醋，幾樣嘢混合之後味道好新奇！炒飯 炒飯底粒粒分明，份量同樣係好大👍🏻入面仲有少少蛋碎，高菜漬、櫻花蝦、蔥等等。櫻花蝦嘅量好多，所以食嘅時候更加有鮮味！