影片
更多
2015-12-20
720 浏览
圣诞新年临近，周围都做紧大减假，唔买野点对得住自己？今日去尖沙咀血拼到筋疲力尽，想揾间餐厅好好坐低休息下，记起之前朋友介绍过呢间ClubNectionZ，话D窝夫唔错，今日就同妈咪黎试下。餐厅位于诺士佛台一幢商厦既九楼，旺中带静。门口细细，推门而进，空间却大大，有梳化位，坐得舒服。呢度既装修雅致，灯光柔和，而且仲有好多叉电位，方便大家黎hea黎做野，又几细心㖞。天气冻，我叫左一杯热比利时朱古力奶，听老板介绍，系用比利时朱古力同鲜奶现煮而成，面头仲有一层鲜忌廉。呷一口，非常香浓既朱古力味，够幼滑，好坚，饮到我暖笠笠。妈咪无惧寒风，点左芒果沙冰，我偷饮一啖，味道唔系吕宋芒既甜味，反而系好香既台湾芒果味道，都唔错，而且用灯胆樽上枱，够晒cute。香蕉窝夫配雪糕，我拣左焦糖酱、夏威夷果仁雪糕。个窝夫好脆，除左因为烤得香脆之外，仲因为窝夫面头有一层薄薄既脆糖，呢个甜度我接受，系幸福既甜味。据老板讲，佢地系改良左比利时既传统recipe去做，传统既比利时窝夫每块要落20克糖，而佢地就将糖分减至15克，更适合港人口味。雪糕黎自新西兰，有粒粒果仁，有咬口。妈咪叫既草莓窝夫配雪糕仲靓仔，前面两粒细草莓切
餐厅位于诺士佛台一幢商厦既九楼，旺中带静。门口细细，推门而进，空间却大大，有梳化位，坐得舒服。
呢度既装修雅致，灯光柔和，而且仲有好多叉电位，方便大家黎hea黎做野，又几细心㖞。
天气冻，我叫左一杯热比利时朱古力奶，听老板介绍，系用比利时朱古力同鲜奶现煮而成，面头仲有一层鲜忌廉。呷一口，非常香浓既朱古力味，够幼滑，好坚，饮到我暖笠笠。
妈咪无惧寒风，点左芒果沙冰，我偷饮一啖，味道唔系吕宋芒既甜味，反而系好香既台湾芒果味道，都唔错，而且用灯胆樽上枱，够晒cute。
香蕉窝夫配雪糕，我拣左焦糖酱、夏威夷果仁雪糕。个窝夫好脆，除左因为烤得香脆之外，仲因为窝夫面头有一层薄薄既脆糖，呢个甜度我接受，系幸福既甜味。据老板讲，佢地系改良左比利时既传统recipe去做，传统既比利时窝夫每块要落20克糖，而佢地就将糖分减至15克，更适合港人口味。雪糕黎自新西兰，有粒粒果仁，有咬口。
妈咪叫既草莓窝夫配雪糕仲靓仔，前面两粒细草莓切到好似两朵花咁，影相一流。草莓唔算好甜，但正好中和窝夫同雪糕既甜味。呢个系云呢拿雪糕，无果仁，够香滑，又系另一番好滋味。响度悠悠闲闲hea左两粒钟，元气大恢复，又系时候出去继续血拼！
张贴
