板長壽司 (已結業)

平日中午时段，人流甚少。适逢系附近验身，就过黎食个lunch set。叫左一个午餐（火炙三文鱼腩丼）三文鱼分量唔少，一共有八片，女孩子黎讲都食得饱，火炙三文鱼腩略冻，本人偏爱食热嘅火炙所以感觉冇咩特别；反而三文鱼鱼生厚度ok，唔算薄整体而言，68蚊嘅价格都相当扺食另外散叫一份三味寿司（三文鱼腩、帆立贝、赤虾）三文鱼腩有厚度、鱼油多，值得一赞。帆立贝就比较失色，饭好大旧，帆立贝细细粒，食起上黎冇乜鲜甜味。赤虾不过不失，口感都几绵密，算系咁。三味寿司除开每件寿司都唔洗12蚊，价钱算系咁以尖沙咀旺区黎计，午餐加三件寿司连加一百二蚊有找，都相当抵食