自家製韓國刀削麵 (山林道)

营业中

休息中

同妈咪去尖沙咀行街, 谂住食韩国嘢~ 平时食韩国嘢通常都系食炸鸡𠮶啲, 今次试吓刀削面都几特别!我地叫咗牛骨汤刀削面, 炸酱面同五花肉泡菜煎饼~牛骨汤汤底好鲜甜好好饮, 唔系味精汤底~ 刀削面系粗面, 食落去口感烟韧, 好有咬口! 仲有几块牛展添, 牛展都好好食~炸酱面嘅酱汁都好浓郁, 唔会好咸, 而炸酱入边都有粒粒薯仔同猪肉, 薯仔好入味, 好好食! 呢款面都系烟烟韧韧, 几有咬口, 几好食~两款面嘅份量都几多, 性价比好高~五花肉泡菜煎饼都好好味, 佢啲泡菜味唔会好辣, 啱晒我呢啲唔食得好辣嘅人~ 煎饼外面煎到脆脆地, 中间有一层五花肉~口感好有层次, 几特别! 几好食~前菜系泡菜唔会好辣, 可以食得出黄芽白既清甜味, 几好食!见到隔篱枱叫咗饺子都好大只, 卖相好吸引～下次要再嚟试吓饺子先得!