影片
更多
2024-12-09
0 浏览
今日去咗尖沙咀食午饭，近近哋就到十三姨食新潮粉面饭。下午1:30pm见店内已经坐满了顾客，似乎都有好多国内游客帮衬，好彩仲有一张四人枱，order咗一粉一饭一串烧散餐。牛肋条银针粉汤底微微带浓唔咸几好味，比我当系餐汤全部饮晒，放上炸干葱及蒜片，而银针粉软韧有口感，再加入几条肠粉及粉皮，仲有芽菜仔同埋椰菜丝捞埋，令到整碗银针粉口感复杂趣怪。而牛肋条炆得啱啱好兼牛肉味香浓无臊味，都有五旧细细嘅牛肉，温泉蛋又嫩又滑非常易入口。大三元干葱手撕鸡肉食时再捞酱油，手撕鸡较干身口感不俗，鸡火腿用鸡髀肉做，软滑Juicy而鸡肉味道非常清淡，鸡肉酱油捞饭食味及配搭都算几好idea。蔬菜串烧烧矮瓜椒盐调味料清淡，食到矮瓜蔬果鲜味。翠玉瓜烧得够熟，而且非常脆口，味道带少少黑胡椒，e支班！鸡髀菇烟烟韧韧有咬口。烧豆角算系高难度动作，烧得好有水准。甜粟米较为干身咗啲，蔬菜串烧整体水准一流，好过好多日本串烧餐厅。餐厅装修一般，枱面细小，属于比较狭窄逼夹。筷子匙羹餐具及楼面都算清洁干净，店员服务态度可以。可惜餐厅大门损坏打开无法关闭，有啲似坐喺街边食粉面，粉面捞埋啲西北风一齐享用，真系有啲食滞咗！餐店似乎喜欢支付宝
牛肋条银针粉
汤底微微带浓唔咸几好味，比我当系餐汤全部饮晒，放上炸干葱及蒜片，而银针粉软韧有口感，再加入几条肠粉及粉皮，仲有芽菜仔同埋椰菜丝捞埋，令到整碗银针粉口感复杂趣怪。而牛肋条炆得啱啱好兼牛肉味香浓无臊味，都有五旧细细嘅牛肉，温泉蛋又嫩又滑非常易入口。
大三元
干葱手撕鸡肉食时再捞酱油，手撕鸡较干身口感不俗，鸡火腿用鸡髀肉做，软滑Juicy而鸡肉味道非常清淡，鸡肉酱油捞饭食味及配搭都算几好idea。
蔬菜串烧
烧矮瓜椒盐调味料清淡，食到矮瓜蔬果鲜味。翠玉瓜烧得够熟，而且非常脆口，味道带少少黑胡椒，e支班！鸡髀菇烟烟韧韧有咬口。烧豆角算系高难度动作，烧得好有水准。甜粟米较为干身咗啲，蔬菜串烧整体水准一流，好过好多日本串烧餐厅。
餐厅装修一般，枱面细小，属于比较狭窄逼夹。筷子匙羹餐具及楼面都算清洁干净，店员服务态度可以。可惜餐厅大门损坏打开无法关闭，有啲似坐喺街边食粉面，粉面捞埋啲西北风一齐享用，真系有啲食滞咗！餐店似乎喜欢支付宝和微信支付及八达通，但系唔收 Apple pay。
张贴
