影片
更多
2024-08-08
539 浏览
今日我哋到咗位于尖沙咀乐道嘅台式火锅店「牛品」,试下佢哋嘅牛御品火锅放题。呢个套餐除咗可以食到各种优质嘅牛肉之外,仲会送上春阳茶事嘅手摇饮品。春阳茶事就系位于餐厅楼下,可以选择嘅种类好多,今日我哋就拣咗桂花乌龙同金桔柠檬。金桔柠檬嘅味道酸酸甜甜,而且有好香嘅茶味,十分之开胃。而桂花乌龙亦都好清香。如果唔想饮得太甜嘅朋友仲可以选择半糖,真系好贴心。而选择牛御品嘅话亦都会送埋新鲜鲍鱼,大大只,打边炉好爽口弹牙。主角当然系肉类啦,呢个套餐可以食到澳洲M4和牛肩胛骨、美国顶级封门柳同埋美国特级牛小排。呢三款牛类嘅油花都平均,而且好重牛味,令我哋不断encore再encore。佢可以选择嘅火锅配料好多,我最推荐嘅系手工虾滑,啲虾好新鲜,而且仲系原粒喺入面。另外花雕酒鸡件都好正呀,鸡肉好嫩滑。除咗可以喺手机落单嘅配料之外,出面都可以食到好多自助美食,喺自助区可以拣嘅熟食包括卤水萝卜,蒜泥青瓜等等。仲有响铃,鱼皮,炸薯角。而熟食我十分之推荐椒盐虾!佢嘅虾炸得好酥脆,而且好香。另外炸花枝丸都好弹牙,入面嘅花枝都好有咬口,全部熟饮上枱嘅时候都系热辣辣㗎,睇得出佢哋都系新鲜炸起。最后梗系唔少得甜品啦,喺呢
春阳茶事就系位于餐厅楼下,可以选择嘅种类好多,今日我哋就拣咗桂花乌龙同金桔柠檬。金桔柠檬嘅味道酸酸甜甜,而且有好香嘅茶味,十分之开胃。而桂花乌龙亦都好清香。如果唔想饮得太甜嘅朋友仲可以选择半糖,真系好贴心。
而选择牛御品嘅话亦都会送埋新鲜鲍鱼,大大只,打边炉好爽口弹牙。主角当然系肉类啦,呢个套餐可以食到澳洲M4和牛肩胛骨、美国顶级封门柳同埋美国特级牛小排。呢三款牛类嘅油花都平均,而且好重牛味,令我哋不断encore再encore。
佢可以选择嘅火锅配料好多,我最推荐嘅系手工虾滑,啲虾好新鲜,而且仲系原粒喺入面。另外花雕酒鸡件都好正呀,鸡肉好嫩滑。除咗可以喺手机落单嘅配料之外,出面都可以食到好多自助美食,喺自助区可以拣嘅熟食包括卤水萝卜,蒜泥青瓜等等。仲有响铃,鱼皮,炸薯角。而熟食我十分之推荐椒盐虾!佢嘅虾炸得好酥脆,而且好香。另外炸花枝丸都好弹牙,入面嘅花枝都好有咬口,全部熟饮上枱嘅时候都系热辣辣㗎,睇得出佢哋都系新鲜炸起。
最后梗系唔少得甜品啦,喺呢度可以用黑糖自己DIY飘雪绵绵冰,另外仲可以自由加配Toppings,例如芋圆、Häagen-Dazs雪糕,紫米,椰果,寒天等等。
餐厅嘅面积好大,座位同座位之间都好阔落,自助区仲好干净企理。总括嚟讲,呢间「牛品」嘅台式火锅放题真系好正,无论系食材、服务定系环境都好出色,值得推介俾大家试下!
张贴
