倆仨杯

营业中

休息中

今日去海港城行下，去到LUX 差不多近尽头，见到呢间俩三杯门店好靓，系用好可爱既海濑做主题。除咗饮品之外，佢仲有唔少轻食，小食&甜品。反正未食lunch，所以就坐顺便食埋~全部食物都用外卖餐盒上，店入面座位唔算多，不过商场中间仲有一片座位区有比较阔落座位。主食🔹醉鸡卷乌冬🔹醉鸡翼乌冬🔹醉封门柳乌冬一上枱，三碗都已经闻到好香既酒香味，食落都系一样有酒香味。醉鸡卷系台湾好出名嘅食物，冇骨啖啖肉，啱哂我。封门柳牛隔膜肉，结实有嚼劲，有牛味。小食🔹卤猪耳🔹台式粗薯条佢有好多款台南卤水小食可以选择，除咗一般嘅卤猪耳，牛展，仲有比较少见嘅卤窝笋，卤大啡菇都有。我今次试咗卤猪耳，猪耳够肥未够厚身，台湾嘅卤味亦都冇令人失望，好够味。另外仲有炸物，炸花之丸，排骨酥，盐酥鸡，我地拣左台式粗薯条。粗薯条除咗够脆之外佢个面佢洒上啲甜甜嘅芝士粉，即刻令我谂起台湾夜市！茶饮🔹铁观音鲜奶茶🔹粒粒白桃乌龙🔹白玉可可鲜奶茶饮全部都可以较甜度或者冰度，如果牛奶嘅就会固定冰度。饮品好大杯，全部都有水准！铁观音奶茶有铁观音茶香，粒粒白桃乌龙仲食到粒粒白桃肉！白玉可可鲜奶，真系饮到系可可而唔系朱古力，白玉亦都好烟韧。甜品🔹芒果