麻吉灶咖

营业中

休息中

Lunch time呢间都几多人排，我地拎飞大约等咗15分钟。午市套餐选择都几多，跟餐都配前菜同特定饮品一杯。我地叫咗一碗牛肉面，一个拌面，一份萝卜丝拉饼，另外加钱叫咗杯柠檬爱玉冬瓜茶。红烧台湾风味半筋半肉面牛肉好淋，面亦都好烟韧，份量黎讲都有3大旧肉同埋3旧筋，配菜有萝卜同酸菜外，亦都有好少可系牛肉面出现嘅虫草花。香葱脆皮猪大肠配麻婆豆腐拌面脆皮猪大肠好好食，外皮炸到啱啱好脆卜卜，面头有足够嘅调味。麻婆豆腐就正正常常，都够捞饭食。千层萝卜丝拉饼呢但就有少少失望，食落有啲似普通薄饼中间夹住啲菜脯，食唔出有好多萝卜丝同埋冇乜味。虽然唔系好平，但Lunch套餐都算系咁，选择种类都算多，见隔离枱啱啲锅都好吸引。但有朋友食过佢晚市嘅麻吉锅话麻麻地，所以如果想试呢间嘅，拣lunch/下午茶黎食啦，以系商场嘅台湾菜，呢间都ok。