臺坊 (加拿分道) (已結業)

人在尖沙咀肚饿想食台湾野，见厚福街有呢间餐厅咁就入咗去食喇。店舖小小，唔系好多位，适合一至两个人。全部都系面向墙或窗的座位，好似日本拉面店咁，在现在疫情之下都几好。红烧牛肉面好大碗面，满满的好丰富，好香。首先试试汤底，香浓，但又唔油，几好饮。好足料，有三大块牛肉，一块牛筋，两块白萝卜，一块红萝卜。面条够滑，也能挂汤。牛肉够稔，好入味。惊喜地有牛筋，通常牛肉面都没有，净系得牛肉，个牛筋够稔，好有胶质的感觉。萝卜都非常大块，够稔够入味，又冇渣。食完碗面，好饱。蒜汁青瓜全部切成一口size，好方便，爽脆清甜，清新口感味道配浓浓的牛肉面好match。小麦胚芽茉香奶绿加六蚊几抵，大大杯，而且都唔少小麦胚芽。