春禧堂台灣料理餐廳 (已搬遷) 新店位置

当你太钟意一样嘢，你会做啲咩？春禧堂嘅老板就系好钟意台湾美食，钟意到开店同大家分享。餐厅位于中港城，木装潢配上湖水绿色调，一室悠闲气氛，坐喺窗边仲会遥望到海景。坐到入餐厅打开menu，台湾小食、古早米食、汤汁饺子，以及仙草甜点和台式饮料等统统齐晒，似去左转台湾。◽️ 春禧牛肉锅 $108材料好丰富，有爽滑牛肉片、软腍牛筋、弹牙牛丸、白萝卜、金针菇、鸡髀菇、娃娃菜、豆腐等等，为香浓汤底添上一份香甜。◽️ 红烧腱心牛肉面 $65一上枱已飘来好香嘅药材味，萝卜和白萝卜吸尽汤嘅精华，牛肉足足有4旧又有咬口，加埋配菜小食：凉拌黑醋茄子、手拍小黄瓜同凉拌猫耳朵份量多且丰富，男仔都一定够饱呀！◽️ 台式蚵仔酥 $98不同于见开食开嘅柯仔煎，呢款系炸起一粒粒，口感香酥有蚝味，加埋炸豆腐，双重香口！◽️ 卤肉饭肥瘦均匀，不会太咸太油，一口卤肉配一口香饭，令人想立即飞返台湾一转。▪️ 芝士奶盖火龙果茶 $38芝士厚厚一层差啲就涌出来，火龙果茶真材实料，甜而不腻好清新，配搭浓味台食一流！▪️ 蓝柑梳打 $35有几粒蓝莓做点缀，蓝色外表好清凉，入口好fresh，闷热天气最适合。