影片
更多
2009-08-31
35 浏览
自问唔系好识食, 会周围揾野食既食家.我既意见, 唔专业, 但应该代表了某部份同我一样不太会讲究的普罗大众.我既要求好简单, 就系好食, 抵食, 唔驶等食.基于呢几个条件, 尖沙咀呢个地区虽说有大把美食, 但对小妹来说往往揾食艰难.唔系太高档, 就系唔抵食, 好食又抵食果D又经常要等位.上星期去完电脑展, 已经无乜精力.上网揾下食咩好, 见到彩云轩新上榜, 就唔理三七廿一冲上新港.见到鼎泰丰出面排晒大队.. 其实食餐饭, 做咩要咁辛苦!?入到彩云轩, 都估唔到, 全院满座.心谂: 唔系呱, tst 呢d年青人饭聚既地方, 连酒楼都咁受欢迎!?知客姐姐似有天眼, 即刻话呢排唔知点解多左好多后生仔女黎食饭.我同佢讲, 可能因为佢上左openrice好评榜.知客姐姐一脸狐疑, 大概都唔知咩叫openrice.好彩, 我同男友2人, 好快就有张细台.根据其他食家既推介, 我拣左个皮蛋豆腐, 麻辣牛肚.唔知点解我个皮蛋豆腐同其他人食果个不太一样(见图),不过我非常欣赏师傅可以将豆腐切到超薄!豆腐的确如其他食家讲的好滑. 当然, 滑既豆腐一般都欠d豆香, 但衬埋d溏心皮蛋同麻酱, 好好味.牛肚既酱
我既意见, 唔专业, 但应该代表了某部份同我一样不太会讲究的普罗大众.
我既要求好简单, 就系好食, 抵食, 唔驶等食.
基于呢几个条件, 尖沙咀呢个地区虽说有大把美食, 但对小妹来说往往揾食艰难.
唔系太高档, 就系唔抵食, 好食又抵食果D又经常要等位.
上星期去完电脑展, 已经无乜精力.
上网揾下食咩好, 见到彩云轩新上榜, 就唔理三七廿一冲上新港.
见到鼎泰丰出面排晒大队.. 其实食餐饭, 做咩要咁辛苦!?
入到彩云轩, 都估唔到, 全院满座.
心谂: 唔系呱, tst 呢d年青人饭聚既地方, 连酒楼都咁受欢迎!?
知客姐姐似有天眼, 即刻话呢排唔知点解多左好多后生仔女黎食饭.
我同佢讲, 可能因为佢上左openrice好评榜.
知客姐姐一脸狐疑, 大概都唔知咩叫openrice.
好彩, 我同男友2人, 好快就有张细台.
根据其他食家既推介, 我拣左个皮蛋豆腐, 麻辣牛肚.
唔知点解我个皮蛋豆腐同其他人食果个不太一样(见图),
不过我非常欣赏师傅可以将豆腐切到超薄!
豆腐的确如其他食家讲的好滑. 当然, 滑既豆腐一般都欠d豆香, 但衬埋d溏心皮蛋同麻酱, 好好味.
牛肚既酱料都好惹味, 而且唔会太辣, 我呢个唔太食得辣既人都食到.
之后点左个叫"求其君子"既小菜, 纯粹贪得意~ 原来系苦瓜酿鱼肉.
本身唔好苦瓜, 亦怕酿鱼肉有惺味.
但呢个求其君子一d都唔求祈, 卖相不错, 苦瓜唔苦, 系甘甘地, 鱼肉无惺味, 而且好弹牙, 仲以为系猪肉.
menu仲有一个好搞野既小菜叫"豉豉旦旦", 下次或许再试下~
重点推介系今晚既重头戏: 果皮蒸咸鲜黄鱼
咸鲜鱼, 其实系咸鱼d fd. 一样系用盐"腌"过既鱼.
唔同既系咸鲜鱼唔系晒到干晒先食既鱼, 所以仍然保持嫩肉.
以前系大陆食过, 觉得好正, 估唔到香港都食得到.
鱼好滑, 鱼肉带点咸, 加埋果皮, 送饭一流!
最后因为太饱, 食唔落推介既心太软, 叫左几杯仔冻冰冰既甜品.
推介桂花榚.
甜品卖相似曾相识, 先知道原来同我至爱的V CUISINE同一集团.
食到捧住个肚, 唔驶等位又好味, 都系$120一个人, 尖沙咀区去边到揾.
张贴
