影片
更多
2021-10-08
86 浏览
话说近来成日喺屋企打「自家平靓正」边炉，少出街食惊同行情市价脱节，所以就同女朋友去尖沙咀揾地方打边炉（其实系某人唔想煮唔想洗😝），撞撞下就去咗呢间新舖，主打日本A5黑毛和牛，就试试佢。环境☑️☑️☑️☑️☑️呢个场并非任食任饮场，所以一入门口干净企理好多，连隔离枱客人倾计都净过其他边炉场（其他日子我唔知，戴定头盔先！），加上当日早去安排到窗口位，所以坐得非常舒服。味道☑️☑️☑️☑️☑️当日叫咗招牌花胶响螺鸡金锅，配野生竹生松茸野菌锅做鸳鸯锅。个花胶响螺鸡金锅汤底好好饮，香甜补身！未打边炉已经先饮3杯，搞到好快要加汤，唔系hardsell，坚推介前者汤底。当日个锅上枱前，大约有10分钟空档时期，叫咗支盛田尾张男山大吟酿720ml嚟饮，chill下。支酒清醇唔辣，带少少米香，虽然唔系一支惊天地 泣鬼神嘅清酒，但用来伴火锅恰度好处，再者咁大支只系$168，仲想点！交到功课有余。Menu上A5黑毛和牛总共有17款，价钱介乎$48-$128，当然无可能试哂，钱多咩！随心点咗4道和牛，分别系三筋肉、牛颈、牛肩胛肉同封门柳，4款之中重点推介封门柳，牛味与𡁻口质感并重；第二是牛肩胛肉，牛味浓！其余两款都好味，只系无一、
环境☑️☑️☑️☑️☑️
呢个场并非任食任饮场，所以一入门口干净企理好多，连隔离枱客人倾计都净过其他边炉场（其他日子我唔知，戴定头盔先！），加上当日早去安排到窗口位，所以坐得非常舒服。
味道☑️☑️☑️☑️☑️
当日叫咗招牌花胶响螺鸡金锅，配野生竹生松茸野菌锅做鸳鸯锅。个花胶响螺鸡金锅汤底好好饮，香甜补身！未打边炉已经先饮3杯，搞到好快要加汤，唔系hardsell，坚推介前者汤底。
当日个锅上枱前，大约有10分钟空档时期，叫咗支盛田尾张男山大吟酿720ml嚟饮，chill下。支酒清醇唔辣，带少少米香，虽然唔系一支惊天地 泣鬼神嘅清酒，但用来伴火锅恰度好处，再者咁大支只系$168，仲想点！交到功课有余。
Menu上A5黑毛和牛总共有17款，价钱介乎$48-$128，当然无可能试哂，钱多咩！随心点咗4道和牛，分别系三筋肉、牛颈、牛肩胛肉同封门柳，4款之中重点推介封门柳，牛味与𡁻口质感并重；第二是牛肩胛肉，牛味浓！其余两款都好味，只系无一、二位咁出色。
至于其他配菜，例如虾滑、墨鱼滑都好弹牙好味。讲真成张单入面无一项食物系唔合格要扣分。由于当日仍然天气好热，所以叫多杯菠萝梳打特饮，清爽凉浸浸，真系解暑。
性价比☑️☑️☑️☑️
当日点咗8个菜，1个鸳鸯锅，1支720ml清酒同1杯特饮，价钱唔算系特别贵或者特别平，最后埋单$996两个人食，我唔可以话好抵食，但喺尖沙咀食黑毛和牛火锅，算平！其他地方绝对可以贵多3份1价钱。
盛田尾张男山大吟酿720ml
$168
2 浏览
0 赞好
0 留言
A5熊本黑毛和牛封门柳
$88
2 浏览
0 赞好
0 留言
A5熊本黑毛和牛三筋肉
$108
4 浏览
0 赞好
0 留言
A5熊本黑毛和牛肩胛肉
$58
4 浏览
0 赞好
0 留言
手打蟹籽墨鱼滑
$48
2 浏览
0 赞好
0 留言
招牌花胶响螺鸡金锅配野生竹生松茸野菌锅做鸳鸯锅
$218
4 浏览
0 赞好
0 留言
菠萝梳打特饮
$38
8 浏览
0 赞好
0 留言
张贴
