燒烤堂

营业中

休息中

尖沙咀呢间烧烤店串烧即叫即烧，超多款式选择，有日式🇯🇵、泰式🇹🇭、港式🇭🇰、川式🇨🇳、西式🇬🇧、台式🇹🇼、新疆式🇨🇳、韩式🇰🇷同自家制款。仲有500ml啤酒买一送一优惠，啱哂同三五知己聚一聚🍻🐤鸡肉软骨棒 $38鸡肉同鸡软骨比例恰到好处，配埋金黄色嘅蛋黄同月见汁食，入口嫩滑爽脆！🐤明太子鸡腿肉 $28 黑松露烤鸡 $28呢两款都系鸡肉上面涂上大量酱汁，明太子酱好好味，酱入面有粒粒明太子粒，味道浓郁！🐤盐烧鸡皮 $22鸡皮烧完之后，薄到好似张纸咁，口感好似薯片咁脆！加少少盐系上面食已经好好味。🐮A4 和牛 $58和牛入口油即溶，和牛溶化后系口腔慢慢渗返牛肉味，加上调到恰到好处嘅咸味，好滋味！🐮横隔埋肌 $28牛肉味浓，牛肉有弹性咬口，慢慢咀嚼牛肉味系口腔停留更耐。🐮薄切牛舌芯 $28牛舌芯烧到岩岩好，爽口弹牙，调味出色。🐑羊架 $48有羊味，无羊嘅臊味，肉质软腍啖啖肉，仲有肉汁好juicy。🐷味噌松板猪 $28味噌味道特出，松板猪肉软腍有肉汁，呢款送酒一流。🐷泰式猪颈肉 $28猪颈肉烧到香口，配搭酸辣汁几开胃。🐤鸡皮墨鱼滑 $38外皮烧到脆脆，质感似炸腐皮，入面包住墨鱼滑，口感几特别。