逸翠軒點心專門店 (已結業)

今日同老豆两个系尖沙咀买完野，见肚饿就去左逸翠轩食d 点心。原来我地去果间系尖沙咀新开嘅分店，位置同店入面嘅环境都唔错，而且点心d 价钱都几平。我地两个叫左两个老火汤，一个凤爪排骨饭同皮蛋瘦肉粥，仲有小笼包同菜心。上菜嘅速度都几快，而且份量都几足。不得不赞佢地嘅老火汤真系好够火喉同好足料！仲要无味精😋同埋小笼包都做得唔错，d 肉汁同汤配售搭得好好，而且用左一小片红萝卜系底，夹起果阵唔会穿左漏晒d 汤出黎。菜心都几嫩，同埋食落唔会话苦同有好大阵草青味。皮蛋粥煲得又绵又香，有口感而且唔会好稀，同埋好多皮蛋😍而个排骨饭都蒸得几好，饭嘅水分啱啱好，唔会食落湿湿湿，凤爪同排骨都蒸得好嫩好入味👍🏻