香港郵意 (已結業)

平安晚早收工，约了朋友到尖沙咀行街感受下圣诞气氛。街上满布游人非常热闹，因为未食lunch又要同游客迫，搅到两点几就已经好攰喇，今晚仲有圣诞party等紧我㗎😂。于是朋友就提议去cafe坐下，食嘢补足体力😅。我地拣咗香港邮意，贪地点够方便。Cafe位于商场二楼，地方非常大，好适合大班朋友聚会。餐厅系自助形式，最低消费一杯饮品，就可以任hea任坐任玩，非常实惠😆。讲番食物，虽然系cafe但食物都唔错㖞，我地叫咗黑松露杂菌意粉：扁意粉爽滑咬感烟韧，松露酱落得豪不小家，有一大坨，非常之香，而野菌炒得非常香，素食也煮得香口惹味，值得一赞。三文鱼火箭菜薄饼：薄身饼底，上面舖满有大量蕃茄肉的茄酱，酸酸甜甜，非常开胃，加上烟三文鱼的咸鲜，一个人食半个唔系问题😂。咖啡我地选了，香橙朱古力latte ：杯边沾上香橙味的糖粒，加上拉花，卖相已经好吸引，朱古力味并未盖过香醇的咖啡，两者非常平衡，每呷一口都感受到幸福感💗。百利甜酒latte：满满的甜酒味，非常圣诞的感觉，微微的酒精令人倍感relax。我对呢度的咖啡、食物、环境都好满意，下次一定再带其他朋友嚟hea下🤣🤣