潮螺螺真香螺蛳粉

营业中

休息中

嗌咗好多次外卖，都唔错，冇漏过嘢，不过啲粉的确系少咗啲，次次都会另外加，同埋个辣度真系偏辣（对于香港人嚟讲），我自问自己系食得辣𠮶啲人嚟嘅，谭仔可以食到中辣，但系呢个中辣真系好辣，小辣都仲系有啲辣，不过我接受到，但我屋企人个个都觉得好辣，佢哋平时打边炉会食麻辣汤底，但系呢间螺蛳粉佢哋剩系食到微辣，你哋可以参考下。但系番茄螺蛳粉又冇咁辣，我食中辣完全冇feel，下次可能会试下番茄大辣，但系招牌同干捞千祈唔好一嚟就中辣大辣，我建议由小辣食起，如果辣就转微辣，如果唔辣就自己慢慢加上去，我就冇勇气再食一次招牌中辣，辣到流鼻水……以前住系尖沙咀想食螺蛳粉只能够买一袋袋𠮶啲自己煮，而家终于有间近近哋嘅螺蛳粉店，想食就直接嗌外卖，好方便，一个星期食三次😂已经成为我尖沙咀外卖top3😂