三餐冰室

营业中

休息中

身为常餐之鬼终于要出第❶个常餐POST啦！唔知有冇朋友同我一样次次去茶记最想食嘅都会系常餐A，唔要通粉只要米粉，炒蛋，柠茶走甜，缺一不可。咁啱经过位于尖沙咀嘅＼三餐冰室／就去试下佢。炒蛋多士🍳可以拣双蛋/腿蛋/肠蛋，今次我拣咗炒双蛋。炒蛋食落似冇加cream/奶，好纯粹嘅蛋味，感觉健康啲。多士系两块厚身多士嚟，几有诚意，略嫌唔够脆仲可接受～火腿米粉🍜望落好似淡矛矛冇味但食落个汤底都ok，比较清，唔会食完好口渴。沙嗲牛面🍜男朋友食嘅沙嗲牛面牛肉颇多，沙嗲酱食到有花生粒粒，唔错。常餐$48冻饮加$3。价钱可算接受。