風雲丸

营业中

休息中

次次经过都见风云丸入面坐满人，今朝做完野自己过黎食下。舖头除左坐满香港人，今日weekend仲几多游客帮衬，呢头周围咁多餐厅但风云丸仲keep到不停有食客入黎，真系几旺。我嗌左个石烧蟹黄蟹粉蟹汤汁沾面+唐扬炸鸡，个蟹汤非常非常香浓，入面真系有蟹肉，真材实料。用石锅上可以keep住够热，超正！面条质地几有咬口，面头都放满蟹肉香葱洋葱仲有只蛋可以捞埋一齐食!个沾面真系好好食，满满鲜蟹味嘅一餐我劲钟意🫰唐扬炸鸡只系加$18就有两大旧，我钟意唧多d柠檬汁咁食，炸鸡嘅皮唔会过厚但又唔会好油，肉质几嫩，超值！餐牌有好几款日本汽水我未见过，拣左支绿茶可乐试下，几好饮！