凱薈

营业中

休息中

The One嘅凯荟新张期间，点心、小食、面饭有优惠，趁住天气好，同妈妈去饮茶，品尝得奖名菜，餐厅楼底够高，落地玻璃劲开阳，远眺维港仲可以见到小黄鸭嘅背影。潮州粉粿一笼三件，外型饱满且晶萤剔透，口感软糯烟烟韧韧，绵密嘅糯米粉皮包裹住花生 、 韮菜、猪肉碎、 虾米等馅料，十分好味。羽衣甘蓝素饺食材新鲜，外皮透明，见到翠绿色羽衣甘蓝，令人胃口大开，馅料用羽衣甘蓝切碎，加上香菇、木耳等蔬菜，口感清爽健康。香茜牛肉肠非常推荐！佢个肠粉皮劲细腻，口感软滑很有质感，筷子夹起都唔会散开，牛肉馅丰富，牛肉嫩滑冇渣，点少少豉油更有滋味。黑糖叉烧，一碟有12件，肥瘦适中，好喜欢黑糖嘅香甜，同叉烧好夹，面头烧到仲有少少脆口，肉质松软，果然名不虚传！金网煎锅贴，卖相出众，纲状外皮煎到酥脆，内里包著鲜嫩多汁嘅肉馅，令人一口咬落，口感十分丰富。窝烧樱花虾海皇饭，呢个炒饭系用砂锅呈上，令到饭粒更干身香糯，用料上乘，蛋香、樱花虾香到隔离枱都系咁望过嚟，呢个主食系必食推荐！咸水角，青苹果外型，外皮金黄香糯，咬开有伴有酱汁嘅肉馅，咸甜适中，很香口。