Ha Noi 越南菜

营业中

休息中

因为见到特饮都唔需要额外加钱，所以就拣左优惠二人套餐。我地拣左生牛肉汤河、鸡丝汤河，跟餐小食就拣左安南鲜虾纸米卷，饮品就拣左两杯特饮，一杯鲜芒果西米露，另一杯拣左椰汁三色冰。鸡丝汤河鸡丝粉量唔少，食落都有鲜鸡味，再加上青柠汁，一次过食哂鸡丝同埋汤粉，食落更加清甜。生牛肉汤河牛味好浓郁，河粉都无煮到一夹就散。吱埋青柠汁上生牛肉度，味道会更新鲜。安南鲜虾纸米卷每件纸米卷入面都包住鲜虾、生菜、米粉、青瓜、红萝卜丝。纸米卷入面仲夹有花生粒同埋薄荷叶 ，食落有清香的甜味。即使无点酱汁，都已经好够味。纸米卷包得好实净，并无一咬就散开哂。田园灼时蔬生菜需然系跟餐，但都配有炸蒜头。河内小食并盘小食并盘有扎肉、越式炸手打虾饼、香茅鸡翼、炸春卷、鲜虾纸米卷。越式炸手打虾饼炸得香脆，虾味好够，食落弹口。炸春卷并无炸到想象中咁硬，用料多但又唔会炸到散修修。香茅鸡翼炸得好香口，食落有肉汁同埋少少甜味。鲜芒果西米露芒果同西米份量都唔少，每啖都可以饮西米、椰汁同芒果嘅香甜。椰汁三色冰椰汁香浓，唔系死甜，甜度适中。