十和田總本店

营业中

休息中

用餐时间：普通星期二 2030作为一间行中高级路线既日本餐厅黎讲，空间真系比较窄，坐得好逼，有好大改善空间！份量算多，鲜甜既松叶蟹肉摆满晒成个碗，蟹肉整体上都高质，除左间唔中食到少少蟹壳碎之外。呢碗饭其中一个值得欣赏既地方系佢用左醋饭黎整，变相我地就唔洗自己调味啲饭，食得方便好多！帆立贝虽然唔多，但系好新鲜，连我平时麻麻地帆立贝既都食得开心。5旧火炙寿司分别系吞拿鱼赤身，三文鱼，左口鱼，鱿鱼，熟虾。饭都系用醋饭整既。味道几好。新鲜整出黎既炸虾卷，系好食过放左好耐既炸虾卷好多。虾肉新鲜，饭已经整左做醋饭，唔需要点酱油。配埋沙律酱食味道一流。新整出黎既鸡翼，点都唔会差得去边！不过味道普通，无乜惊喜。最后埋单连加一$418，两个人平均每人$209。餐厅食物性价比真系唔错，不过需要改善既地方系座位可以整得阔啲，等食客坐得舒服啲。