泰Grill (恆隆銀行大廈) (已搬遷) 新店位置

尖沙咀新开70s Food Court，入面装修简单得黎又好有华丽嘅感觉、复古既味道。泰Grill由泰北厨师主理，估唔到系Food Court都有咁出色既泰国菜食，性价比仲要好高😋平时喺尖沙咀食得韩国菜多，依家有多个正宗既泰国菜食，真系要黎试下👏🏻🥗青木瓜沙律 $55好大碟，有靑木瓜丝、萝卜丝、豆角同车厘茄，食落酸酸甜甜，系一道好开胃嘅前菜👍🏻🧆猪颈肉 $68肉质爽口同埋好大块，好钟意个酱汁，加左辣椒粉，令到成块猪颈肉既肉汁再升华，更加有口感，但摆盘可以再摆靓啲😂🍍菠萝 (一份两串) $25哩度啲串烧CP值好高，$25仲要两大串真系好少见，菠萝够大粒又Juicy，不过避免唔到去系有少少酸既😆🥬飞天通菜 $58加左豆豉炒既通菜更入味，因为通菜唔系最近既seasonal，以为啲菜会好老，点知ok wo，一啲都唔老，都几新鲜。🐠泰式明炉鱼 $198推介🌟 个汤底好吸引，系冬荫公汤底，酸酸甜甜又辣辣地好开胃，好啱最近咁冻既天气食！明炉鱼上面加左大量既泰式辣味甜酸酱，我劲钟意哩个酱，配搭个鱼食特别鲜嫩😚🍝泰式炒金边粉 $75有大虾、豆腐干、芽菜、韭菜等配菜，加少许青柠汁后金边粉既甜酸味会更突出。