影片
更多
2023-02-01
367 浏览
听闻话呢一间舖头好有性格，店主开唔开舖睇心情睇时咁啱早收工六点前去碰一下运气。好好彩一去到有开仲要有位即刻冲入去坐埋最后一张枱。成间铺唔大得三张枱坐到六个人。剩系得店主一个人打理间铺。心谂点样维到皮呀。啲面平均到$100一碗唔算平。但见佢够胆咁样开舖开个咁嘅价钱就试试佢。可以拣嘅选择唔多今日有三款分别有海虾浓汤，金华火腿鸡汤，同期间限定，今期系忌廉蚝汤。今次就试吓佢个期间限定同埋个海虾睇吓会唔会有惊喜。好好彩𠮶张枱坐正喺厨房出面可以欣赏到店主煮嘢食嘅情况。见佢好细心咁样将佢预先准备好嘅牛肉摆好盘，调味，再用火枪炙烧。未攞出嚟都已经闻到好香。头头尾尾店主用咗二十分钟到去处理好晒我哋嘅order。D主角同埋𠮶只烧牛肉出到嚟嘅时候全间铺都好香牛味。海虾面加左炒香左既樱花虾系面，一上到枱就闻到好香好香嘅虾味。个橙红色汤底加埋个气味令到你食欲大增。将伊面放落口真系食出浓郁嘅海虾味，绝对唔系马虎去做出嚟嘅一个汤底。个味道可以话系比一啲出名嘅云吞面汤底更加之出色。喜爱度(5分为满分): 4.5至于个忌廉蚝汤伊面奶白色，第一啖试个汤底有好鲜甜既蚝味，蚝肉新鲜唔腥，加埋个忌廉个感觉就系饮紧一个好浓郁嘅周
可以拣嘅选择唔多今日有三款分别有海虾浓汤，金华火腿鸡汤，同期间限定，今期系忌廉蚝汤。今次就试吓佢个期间限定同埋个海虾睇吓会唔会有惊喜。
好好彩𠮶张枱坐正喺厨房出面可以欣赏到店主煮嘢食嘅情况。见佢好细心咁样将佢预先准备好嘅牛肉摆好盘，调味，再用火枪炙烧。未攞出嚟都已经闻到好香。头头尾尾店主用咗二十分钟到去处理好晒我哋嘅order。D主角同埋𠮶只烧牛肉出到嚟嘅时候全间铺都好香牛味。海虾面加左炒香左既樱花虾系面，一上到枱就闻到好香好香嘅虾味。个橙红色汤底加埋个气味令到你食欲大增。将伊面放落口真系食出浓郁嘅海虾味，绝对唔系马虎去做出嚟嘅一个汤底。个味道可以话系比一啲出名嘅云吞面汤底更加之出色。
海虾浓汤
10 浏览
0 赞好
0 留言
喜爱度(5分为满分): 4.5
至于个忌廉蚝汤伊面奶白色，第一啖试个汤底有好鲜甜既蚝味，蚝肉新鲜唔腥，加埋个忌廉个感觉就系饮紧一个好浓郁嘅周打蚝汤。一个类似西式嘅餐汤估唔到用一个中式嘅做法配埋伊面竟然系咁夹。可能因为我自己本身钟意饮周打海鱼汤同食伊面，所以真系私心推介。
忌廉蚝汤
23 浏览
0 赞好
0 留言
喜爱度(5分为满分): 4.5
用完餐个感觉真系好满足两个面都带到比味蕾好大嘅冲击。行去买单嘅时候店主会好主动咁问你个面好唔好食，有冇咩评价，就睇得出佢好紧张佢嘅出品。见到有d comment话个店主串，上菜慢等等。咁嘅质素，我又觉得咁佢又真系串得起㖞。下次一定会返去试埋佢另外𠮶个金华火腿鸡汤。
张贴
