香港郵意 (已結業)

尖沙咀行街行到好攰，朋友同我讲想去首都广场夹公仔，惊喜系上到去，竟然见到一个好靓既cafe.估唔到系尖沙咀呢个旅游地区，人多到死，竟然有间咁文青嘅cafe.即刻就嗱嗱临坐低抖下先啦。见到有杯嘢饮个名好特别叫做绿野仙踪，所以就决定去试试啦。绿野仙踪全杯都系青绿色，真系几中题。闻落去都好清新，一试之下，原来系牛油果饮料。饮落去好滑身，加上甜度适中，最紧要真系好有牛油果味同香。朋友就好简单带叫左一个鲜奶香竽。鲜奶味重，反而香竽味就较淡，不过甜度都控制不错。最后两个人仲叫咗一个豆腐蜂蜜芝士蛋糕，豆味都浓郁，仲有一个蜂蜜系顶，味道理应唔错，可惜系个饼身唔够硬，太淋太湿。但系尖沙咀揾到一个咁文青cafe，慢慢坐下饮下野都真系叫唔错。