百川薈

营业中

休息中

今日喺尖沙咀行街，无意中发现一间新开食烤鱼、鸡煲嘅餐厅，装修简约而清新，见到门口嘅餐牌价钱合理，所以就入去坐低。首先拣咗一份「烤鱼」，舖头有三款鱼可以选择，我就拣咗「鲈鱼」，辣到都有几个选择，今次拣咗「微辣」。烤鲈鱼炸到脆卜卜，再放平底炉入边，加上微辣酱汁，加热嚟食，鱼肉冇腥味，鱼皮脆卜卜，鱼肉非常鲜嫩，再加上酱汁，真系食到唔停得口，平底炉入面预先有配菜：莲藕、黄芽白等等，蔬菜吸收咗酱汁嘅味道，非常惹味。再加上「手切安格斯牛肉」，将佢放入酱汁汤底入面煮熟，热辣辣，即煮即食，牛肉好新鲜、好香滑，十分推介。另外仲追加一个小食「炸软壳蟹」，几十蚊有两只软壳蟹，软壳蟹都好松脆，识叫即制，好新鲜，而且好抵食。食辣嘢一定要配饮，我拣咗「冻菊花菜蜜」，大大杯、非常解渴。