影片
更多
2022-05-31
1712 浏览
尖沙咀开咗间打卡新餐厅📸「Library Restaurant and Bar 」，朋友就约我放工去试吓。餐厅人气果然好高，我哋喺无订枱嘅情况下，只能安排坐喺室内座位，想坐室外嘅话就记得要预约。不过室内环境都好靓、好啱打卡，整体色调偏暗，行型格路线😎。由于呢度系酒吧餐厅，佢所提供嘅食物款式唔算好多，而且更有部份售罄，有啲可惜啊😣。不过好彩菜式系大路嘢，全部都啱食🍽。慢煮封门牛柳配薯蓉红酒汁($348)，🥩慢煮封门柳生熟度预设咗系五成，肉身呈粉红色，但又唔会太生，食落多汁，🐮肉味浓郁。佢上碟时经已切开，食用方便，而且份量其实几多。红酒汁味道突出，进一步提升滋味。伴旁嘅薯蓉绵滑🥔，满满牛油香，而红萝卜条亦好清甜。烟熏卡邦尼意大利粉($168)，🍝卡邦尼意粉同其他餐厅嘅出品唔系好同，因为佢并非好重忌廉/芝士𠮶种，食落无咁腻。意粉质感富嚼劲，油份够。不过最出色嘅部份系厚切烟肉🥓，咸香十足之余，更有烟熏香气。清酒慢煮猪腩配豆腐酱($128)，🐷猪腩肉有五件，经烧烤过带点㶶边，半肥瘦好邪恶。调味好特别，蓉状嘅系清酒豆腐酱🍶，酒味恰到好处，唔饮酒嘅都啱食，而猪腩底部更附有一件玉子豆腐，好得意。炸莲藕
尖沙咀开咗间打卡新餐厅📸「Library Restaurant and Bar 」，朋友就约我放工去试吓。餐厅人气果然好高，我哋喺无订枱嘅情况下，只能安排坐喺室内座位，想坐室外嘅话就记得要预约。不过室内环境都好靓、好啱打卡，整体色调偏暗，行型格路线😎。
由于呢度系酒吧餐厅，佢所提供嘅食物款式唔算好多，而且更有部份售罄，有啲可惜啊😣。不过好彩菜式系大路嘢，全部都啱食🍽。
慢煮封门牛柳配薯蓉红酒汁
$348
37 浏览
1 赞好
0 留言
慢煮封门牛柳配薯蓉红酒汁($348)，🥩慢煮封门柳生熟度预设咗系五成，肉身呈粉红色，但又唔会太生，食落多汁，🐮肉味浓郁。佢上碟时经已切开，食用方便，而且份量其实几多。红酒汁味道突出，进一步提升滋味。伴旁嘅薯蓉绵滑🥔，满满牛油香，而红萝卜条亦好清甜。
烟熏卡邦尼意大利粉($168)，🍝卡邦尼意粉同其他餐厅嘅出品唔系好同，因为佢并非好重忌廉/芝士𠮶种，食落无咁腻。意粉质感富嚼劲，油份够。不过最出色嘅部份系厚切烟肉🥓，咸香十足之余，更有烟熏香气。
清酒慢煮猪腩配豆腐酱($128)，🐷猪腩肉有五件，经烧烤过带点㶶边，半肥瘦好邪恶。调味好特别，蓉状嘅系清酒豆腐酱🍶，酒味恰到好处，唔饮酒嘅都啱食，而猪腩底部更附有一件玉子豆腐，好得意。
炸莲藕片配西班牙甜椒粉($68)，炸薄切莲藕片几香口，佐酒一流🍺。佢加咗唔少甜椒粉，偏重口味，而且亦有少少油，扣咗啲分。
总括嚟讲，呢间打卡餐厅唔错，唔止得个靓样🕯👍。最后，店员们服务态度非常好，除咗有礼貌之外，更会主动询问客人对食物嘅意见，抵赞！
张贴
