影片
2023-07-05
53 浏览
餐厅地点都几就脚，就喺诺士佛台侧边入去。经过听到歌声吸引，所以我哋入咗去坐嘅位置都阔落。第一个头盘我哋有生蚝，生蚝嘅size都几大，而且够新鲜仲有摆设，佢个碟中间放咗干冰，所以上枱嘅时候有烟既效果，可以影相打卡。之后由佢哋自制嘅辣酱焗薯仔，薯仔够脆身，都几香。而且个份量都几多，我觉得够三至四人分享。个餐仲会有小食，系蟹饼。蟹饼揸得唔会太松脆几有口感，如果饮酒食会几夹。佢上面仲会有啲鱼子添，见到鱼子就会觉得几抵食。之后main course有意大利饭，我个人比较钟意食浓绸小小嘅汁，以佢呢个就会冇咁浓，但系味道层次啱啱好。如果钟意食得冇咁咸嘅人就会觉得呢个味道适合。另一个主菜系牛扒，佢会另外有酱汁摆喺侧边俾你自己点，牛扒我叫咗5成，食落有肉汁，有少少脆身，一路饮酒一路食，觉得味道非常好。呢间酒吧算喺香港，比较新式嘅酒吧，因为冇乜见到有配备有埋手机appVSING去俾你登记做会员，之后点歌上台挑战，然后台上嘅萤幕会出现你嘅会员名同挑战歌曲，台下嘅人仲可以用app入面嘅货币去为你制造唔同嘅舞台效果，仲有加油字句，送礼物都得。舞台设计都够大，而且仲有灯光配合，所以气氛一流，感觉会好似同一班朋友庆
第一个头盘我哋有生蚝，生蚝嘅size都几大，而且够新鲜仲有摆设，佢个碟中间放咗干冰，所以上枱嘅时候有烟既效果，可以影相打卡。
之后由佢哋自制嘅辣酱焗薯仔，薯仔够脆身，都几香。而且个份量都几多，我觉得够三至四人分享。
个餐仲会有小食，系蟹饼。蟹饼揸得唔会太松脆几有口感，如果饮酒食会几夹。
佢上面仲会有啲鱼子添，见到鱼子就会觉得几抵食。
之后main course有意大利饭，我个人比较钟意食浓绸小小嘅汁，以佢呢个就会冇咁浓，但系味道层次啱啱好。如果钟意食得冇咁咸嘅人就会觉得呢个味道适合。
另一个主菜系牛扒，佢会另外有酱汁摆喺侧边俾你自己点，牛扒我叫咗5成，食落有肉汁，有少少脆身，一路饮酒一路食，觉得味道非常好。
呢间酒吧算喺香港，比较新式嘅酒吧，因为冇乜见到有配备有埋手机appVSING去俾你登记做会员，之后点歌上台挑战，然后台上嘅萤幕会出现你嘅会员名同挑战歌曲，台下嘅人仲可以用app入面嘅货币去为你制造唔同嘅舞台效果，仲有加油字句，送礼物都得。
舞台设计都够大，而且仲有灯光配合，所以气氛一流，感觉会好似同一班朋友庆祝紧开party。
张贴
