泰燒遙 (已結業)

今日约左班旧同学去尖沙咀食泰菜,之前睇openrice 介绍过好似唔错所以就一行5人冲上去食餐饱。平日7:30pm去到都已经FULL晒! 好彩一早打左电话订位。一去到门口都几有泰国feel,转到入去既时候就见到好大个海鲜烧烤位 , 海鲜款式都好多,而且好新鲜,因为我地5个中有3个系食肉兽,所以无叫到烧海鲜。最后系点左店员推介既烧遥冬荫功海中宝呢个海中宝真系唔讲得笑,个分量多到我地5个人系食唔晒,海中宝既海鲜超多超新鲜,我地点既系热盆, 海中宝嚟到既时候店员拎住个热辣辣既冬阴汤倒入去海中宝到,酸辣香浓,好好味呀!海鲜真系无得输,全部都系珍宝size ,蛏子同大头虾仲长过我只手掌,仲有蚬﹑青口……。海南鸡（半只）泰式海南鸡系我最爱,皮带爽,肉够香滑,鸡味浓!个汁系超正👍点完𩠌之后店员拎住个靓靓骰盅过嚟叫我地玩,话有机会摇中围骰免找数!点知摇骰个friend 太黑仔咩都唔中😂,店员仲话唔紧要啦,下次嚟可以试我地『$99狂欢鱼虾蟹』，即系一连6个星期都可以以超抵价$99享用原价2xx-3xx嘅鱼虾蟹，斋听都觉得劲抵。成晚个感觉唔错,环境系好舒服,食材好新鲜,店员都好nice!