冬蔭NOODLE (已結業)

之前见依间餐厅评分几高，就决定happy Friday同朋友去试下。间餐厅地理位置几方便，喺the one对面，好容易揾。一入餐厅就见到几盏Leon light, 泰国餐厅好少咁少女心，成间餐厅都系粉红色，座位唔会好迫，坐得都几舒服。1. 冬荫公海鲜金边粉卖相唔错，海鲜种类有青口、大头虾(似迷你版小龙虾)、虾仁、鱿鱼，仲有弹牙白鱼蛋。汤底几浓郁，唔会太辣，酸味适中，金边粉可以挂冬阴公汤汁，开胃入味，成碗粉口感丰富，几滋味，但夜晚食完有啲口渴。2. 海南鸡饭我朋友叫左海南鸡饭，鸡好滑亦几肥美，中上水准，唯一系无甜豉油配饭，但价钱喺尖沙咀黎讲，已经唔算太贵，但要加一。