船皇 (厚福街) (已結業)

今日放工嚟到厚福街谂住求其揾一间餐厅食饭，见到依间船皇系食泰式汤面，价钱相宜，自己又冇试过，就入去试试餐厅环境 (L字形):门口位有玻璃橱窗，可以见到厨师煮食。Menu:睇完个menu, 我哋嗌左一个汤面、一个捞面，面质有四款选择。我地拣左比较特别嘅蛋面同埋金边粉。1. 船皇汤面 $58懒人唔想谂要咩配料，最好就系order个大杂烩，依碗配料相当丰富，有猪有鸡有牛，口感有一定层次首先船面汤底一上枱就好吸引，汤底浓郁，味道有少少似肉骨茶，饮落几舒服，好有风味！金边粉索晒汤嘅精华，加埋八款唔同嘅配料，食落非常满足！2. 鸡翼鸡丝捞蛋面 $48蛋面相比起汤面比较弹牙，食落口感完全唔同！本身惊捞面有啲干，但依碗完全唔会，而且调味适中。如果惊捞面唔够酱料，可以自行再加鱼露。3. 串烧: 鱿鱼须 + 沙嗲鸡肉猪肉牛肉 鱿鱼须串配左店舖秘制嘅泰式辣酱，简直系画龙点睛酸酸辣辣十分开胃！但呢只辣酱都几辣，唔食得辣嘅朋友要注意啦沙嗲串烧来讲最出色嘅我觉得系鸡肉，比较嫩滑，其他中规中矩。饮品方面我哋叫咗泰式奶茶同龙眼冰，泰式奶茶偏甜，龙眼冰就比较清新。整体来讲味道价钱方面都唔错，值得一试！