六合小廚 (已結業)

星期日去開尖沙咀個頭，想先搵個地方食個早餐，上網搵到海港城對面、apple store旁邊既海威商業中心有「六合小廚」呢間餐廳，去到樓下見到早餐都幾多選擇，一於上去食😌本身想食粥，但可惜賣晒，所以最後食左車仔腸粉同自家制水餃！🥢 車仔腸粉車仔麵就食得多，車仔腸粉就真係無見過，好特別😙 揀左3餸：蘿蔔、潮州魚片頭、魚腐角～ 腸粉個醬就當然係混醬啦😋 先講主角腸粉，夠滑，有咬口、唔會淋batbat👍🏻 之後3個餸當中個蘿蔔一咬好多汁，煮得夠淋、入味👍🏻 潮州魚片頭同魚腐角個味道都唔錯，唔會煮過龍！🥢 甜玉米豬肉水餃湯底揀左清湯，因為想試清個水餃既味～ 水餃有5隻，隻隻都有成隻匙羹咁大，包得夠飽滿～ 食落水餃個肉有咬口，再配埋粟米甜味，好味！ 仲有埋菜，成碗清清地，健康！六合小廚個早餐仲包埋野飲，簡簡單單叫左杯熱檸茶😌整體覺得六合小廚既早餐真係好低，主食送埋野飲又唔駛加一！ 而且個味道唔錯，性價比高，完全適合平日係附近返工既人食完先返工。 weekend行街前黎食個豐富早餐亦都好適合👍🏻👍🏻👍🏻