水門雞飯 (厚福街)

营业中

休息中

行开尖沙咀就想食水门鸡，尖沙咀地段来讲真系好抵食。椰青：好甜好大个 平时饮几啖就冇晒，呢个饮足全餐饭都仲净一半，份量大。温度啱啱好，够冻够甜好饮。水门鸡饭：招牌必嗌，鸡冇骨好啱懒人，啖啖肉 正。有配一个汁，酸酸甜甜好惹味。油饭份量够大，调味适中，唔会好油，系每次都唔会失望嘅菜式。冻泰式奶茶：正宗泰色奶茶，茶底够浓，嗌少冰真系有少冰👍泰式干炒辣牛河：呢个镬气十足，泰式调味料配搭好好。河粉都唔会好油，份量适中，牛肉好多好抵食。嗌咗少辣，辣度刚刚好。芥兰苗-追加： 想食少少菜就$10加咗碟，正正常常水门炸鸡件：呢个有惊喜👍👍，$50几蚊好大碟。鸡件配一碟酱汁 但唔点酱都够味。鸡肉炸得刚刚好，炸皮偏厚，口感酥脆。