聚點 (已結業)

是日陪朋友行尖沙咀K11，满足了购物的欲望，不如都食餐好满足下个胃。行过「聚点」，好近尖沙咀N2，未够7点唔多人迫，门面装修都几清爽，决定就食呢间。门口有精选套餐牌，$40+一个餐仲送埋餐汤，呢个价钱喺呢区真系好抵食！揾个二人位坐低，啲位阔过普通茶记，唔洗迫，几好。除了精选套餐，原来都有几多中式小菜拣。特别的是有鲜鱼汤饭，任拣两送加时菜，又系特别推介，当然要试下菜品咁丰富，只可惜得两条友，唔好浪费只叫了3送。尽管只有三送，每一味都深入我心，必须赞好！先上餐汤-中式老火排骨汤，加入冬瓜粟米、萝卜煲足钟数，肉香四溢，内容丰富，一碗汤落肚好开胃肥牛冬菇鲜鱼汤饭，鱼汤特别鲜，肥牛冬菇时菜真系落足料，笔两碗仲有多！肥牛很易咬，冬菇够软，讲多次，个汤真系好鲜！完全冇鱼腥味，大力推介！椒盐鲜鱿，份量很足，颜色很饱满。鱿鱼裹上蛋液下锅炸至金黄，既有外层的松脆，又有鱿鱼的嚼劲，点一点特别的酱汁（酸酸地但唔系普通醋），实在是舌尖的享受德国咸猪手 - 冇谂过原来系煲上，热辣辣好香！配上青红椒粒，色泽很吸引。猪手切成片，肥瘦相间，香浓软糯，咸甜适中，酱汁入味，很下饭！仲有洋葱等配菜，冇几耐就比我地食晒两人$2