八月茶室 (新港中心)

营业中

休息中

尖沙咀新港中心开咗间茶室收费唔算贵、碟头非常大。室内非常干净、靓仔。招牌酸菜鱼（小）酸菜鱼入边非常多鱼片，食落冇骨头、鱼片口感非常滑嫩。入面非常多酸菜、葱、芫荽、辣椒。食落去有少少辣，酸酸辣辣好惹味开胃，送饭一流。枝竹羊腩煲（配生菜）估唔到细细煲入面咁多羊肉，羊腩煲嘅酱汁非常惹味，仲有好多腐竹马蹄喺煲入面。再加埋生菜放入羊腩煲煮熟无得顶。虾酱炒油麦菜喺屋企唔会自己用虾酱炒菜，费事搞到成屋都系咩所以出外必叫虾酱炒嘅𩠌菜。虾酱非常香虾味，爆炒油麦菜，好惹味。樱虾黄金炒饭非常大兜，炒到非常有镬气、超多虾米同鸡蛋。冻柠茶非常有茶味够浓柠檬够多片，补充维他命。