Cambo ขุนทอง (The ONE)

营业中

休息中

喺尖沙咀行完科学馆，就周围揾下有咩食。行下行下就出返弥敦道去咗the one。而家天气咁热梗系入去凉下冷气。上到去本身个商场都好似冇乜人流，以为都死死地。点知见到有一间餐厅叫cambo排晒队wow。望一望完来系间泰国菜排队都唔系排咗好耐十零分钟就入咗去。叫咗个青咖哩软壳蟹，生菜包肉同埋椰汁焗饭青咖哩软壳蟹份量唔算太多，最惊喜佢竟然系有一个煲热住，底下有蜡烛咁上。佢青咖哩汁唔错，辣到适中，超级惹味生菜包就正常发挥，冇咩特别都唔错。个椰汁焗饭质地有啲似芒果焗饭啲饭，𠮶个椰汁好鲜甜，上面估唔到加咗好多海鲜，有虾有八爪鱼有蚬肉。非常饱肚，可以当埋甜品食。