Another One (已結業)

有别于一般cafe，依间位于尖沙咀既cafe主打越法菜，除左甜品咖啡，仲有提供Pho及捞檬等越法美食，别具特色。装修以奶白色及木系色为主调，亦有少量植物装饰作点缀，当中以柠檬树及门口咖啡牌位置最为吸睛。❀ 香茅猪扒双色捞檬卖相好colorful，檬粉系用两款天然食材来调色，粉蓝色系用蝶豆花，而粉红色系用红肉火龙果。依个捞檬好啱依家咁热既天气食！而且配料丰富，有香茅猪扒、青瓜、萝卜、生菜及花生碎，再配上酸酸甜甜既捞檬汁，多重口感。香茅猪扒份量都几多，外层微脆，肉质都几滑嫩。❀ 原个柠檬法式芝士蛋糕外型系柠檬造型，好可爱！外层系朱古力脆皮，内里系芝士蛋糕配柚子啫哩，食落好清新，甜而不腻。而底层既杏仁酥饼略嫌唔够香脆，整体味道唔错！❀ 法式圣安娜泡芙最上层有几粒蘸上焦糖外层既泡芙，松脆可口，中层系云呢拿cream，好滑而且唔太甜，而底层既酥皮都好香脆，伴碟既热情果酱可以大大减低甜腻感。⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆👅味道：⭐️⭐️⭐️⭐️📸环境：⭐️⭐️⭐️⭐️🤵服务：⭐️⭐️⭐️💫💎CP值：⭐️⭐️⭐️💫(5⭐️为最高分)⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆