影片
更多
2023-02-05
47 浏览
喺尖沙咀有一间名为凡，佢哋系新开专做omakase嘅日本餐厅，佢哋入面只系得一个嚟自日本嘅师傅，而店内所有嘅事务都系由佢一手包办。摆盘好精美嘅前菜五点，入面嘅腌牛蒡口感清爽，菠菜金菇味道好清新，而鲍鱼够弹牙，虾肉鲜甜，令人印象好深刻。刺身五点：分别有鱿鱼、带子、三文鱼、金目鲷同埋牡丹虾。款款都系非常新鲜，尤其带子同牡丹虾，口感弹牙爽口之余仲好鲜甜。烧鱼：是日系烧三文鱼腩，虽然烧得非常香口，但仍然保持鱼肉嘅鲜嫩，鱼肉肉汁仍然好丰富，鱼油香味满满。而配菜有菜心苗同埋蟹膏豆腐，可以有效减低鱼肉嘅油腻感。三款煮物：白子配鱼糕：白子无用任何调味，但仍能做到无腥味，而鱼糕口感丰富，同白子一齐食口感会更特别。原只翡翠螺：螺肉鲜味，肉质弹牙。白饭鱼：配埋姜蓉同秘制酱汁，食落爽口，味道因为姜蓉而变得惹味。汁煮牛脷：牛脷煮得好软腍，又够哂入味，就算用上厚切处理，仍然做到软嫩嘅口感，而配菜有萝卜、去皮嘅番茄，全部都经已煮得好入味。朴叶味噌烧系日本飞驒嘅传统料理，尤其配上高级嘅和牛，立马变成人间美味。用朴叶作器皿可以为牛肉增添朴叶独有嘅香味，味噌经过烧烤，同牛肉味道好夹，如果有埋碗饭就仲正。面食系一碗热辣辣嘅
摆盘好精美嘅前菜五点，入面嘅腌牛蒡口感清爽，菠菜金菇味道好清新，而鲍鱼够弹牙，虾肉鲜甜，令人印象好深刻。
刺身五点：分别有鱿鱼、带子、三文鱼、金目鲷同埋牡丹虾。款款都系非常新鲜，尤其带子同牡丹虾，口感弹牙爽口之余仲好鲜甜。
烧鱼：是日系烧三文鱼腩，虽然烧得非常香口，但仍然保持鱼肉嘅鲜嫩，鱼肉肉汁仍然好丰富，鱼油香味满满。而配菜有菜心苗同埋蟹膏豆腐，可以有效减低鱼肉嘅油腻感。
三款煮物：白子配鱼糕：白子无用任何调味，但仍能做到无腥味，而鱼糕口感丰富，同白子一齐食口感会更特别。
原只翡翠螺：螺肉鲜味，肉质弹牙。
白饭鱼：配埋姜蓉同秘制酱汁，食落爽口，味道因为姜蓉而变得惹味。
汁煮牛脷：牛脷煮得好软腍，又够哂入味，就算用上厚切处理，仍然做到软嫩嘅口感，而配菜有萝卜、去皮嘅番茄，全部都经已煮得好入味。
朴叶味噌烧系日本飞驒嘅传统料理，尤其配上高级嘅和牛，立马变成人间美味。
用朴叶作器皿可以为牛肉增添朴叶独有嘅香味，味噌经过烧烤，同牛肉味道好夹，如果有埋碗饭就仲正。
面食系一碗热辣辣嘅荞麦面，面嘅口感弹牙，而汤底因加咗七味粉而变得惹味。
口感Q弹嘅黄豆蕨饼配红豆，仲有日本嘅时令水果。水果有酸甜嘅士多啤梨、清爽口感嘅富有柿同埋香甜嘅青提，可以为呢餐饭作出一个完美嘅句号。
张贴
