影片
更多
2023-06-14
81 浏览
📌 媄铁板烧日本料理和酒 - 尖沙咀广东道122-126号中港中心7楼🗓(14/6) 星期三 ⏰ 晚上7点左右 💈特式：呢间日式铁板烧餐厅位于尖沙咀近Apple Store嘅中港中心，新开左仅仅2~3个月，但都见系网上有不少好评，所以今日收工都特登过嚟试下。🥩🍔🌭🌮🥗🥯🥘🍲🍝🍣🥟🍤🍱食物：餐厅主力都系做铁板烧套餐，例如午市套餐/二人前套餐，仲有就系lunch 同 dinner 嘅Omakase，我就叫左个精选2人前套餐，套餐除左本身6道海鲜同和牛之外，仲会包左沙律/前菜/炒饭/炒野菜/味噌汤/甜品，我就根据佢上菜嘅次序同大家介绍下啦，而家等我同大家讲下🔥味道先。沙律 - 个沙律细细兜，但入面蔬果种类都好多，有蜜柑/蓝莓/蕃茄仔/红心萝卜等等，好清新好开胃。前菜 - 前菜系一个龙虾汁蒸蛋，首先佢个容器真系好靓，成只恐龙蛋咁，个蒸蛋好滑身，加埋佢地个好浓郁嘅龙虾汁，同上一道沙律真系好大对比。帆立贝 - 好新鲜好大只，又厚身嘅帆立贝，轻轻简单地煎一煎同烧一烧，有少少焦香，再配上少少即磨嘅乌鱼子干同清淡嘅淡雪盐做点缀，真系又简单又香又好食。金鲷立鳞烧 - 呢个立鳞烧真系做得相当出色
🗓(14/6) 星期三 ⏰ 晚上7点左右
💈特式：呢间日式铁板烧餐厅位于尖沙咀近Apple Store嘅中港中心，新开左仅仅2~3个月，但都见系网上有不少好评，所以今日收工都特登过嚟试下。
🥩🍔🌭🌮🥗🥯🥘🍲🍝🍣🥟🍤🍱
食物：餐厅主力都系做铁板烧套餐，例如午市套餐/二人前套餐，仲有就系lunch 同 dinner 嘅Omakase，我就叫左个精选2人前套餐，套餐除左本身6道海鲜同和牛之外，仲会包左沙律/前菜/炒饭/炒野菜/味噌汤/甜品，我就根据佢上菜嘅次序同大家介绍下啦，而家等我同大家讲下🔥味道先。
沙律 - 个沙律细细兜，但入面蔬果种类都好多，有蜜柑/蓝莓/蕃茄仔/红心萝卜等等，好清新好开胃。
前菜 - 前菜系一个龙虾汁蒸蛋，首先佢个容器真系好靓，成只恐龙蛋咁，个蒸蛋好滑身，加埋佢地个好浓郁嘅龙虾汁，同上一道沙律真系好大对比。
帆立贝 - 好新鲜好大只，又厚身嘅帆立贝，轻轻简单地煎一煎同烧一烧，有少少焦香，再配上少少即磨嘅乌鱼子干同清淡嘅淡雪盐做点缀，真系又简单又香又好食。
金鲷立鳞烧 - 呢个立鳞烧真系做得相当出色，所有鳞片都用温油炸到脆卜卜，之后先再煎，但煎完后鱼肉仍然保持嫩滑，配上自家调制嘅酸菜鱼汁，少少酸/微微辣/轻轻麻，口感同味道都好突出。
青森县虾夷鲍鱼 - 只鲍鱼虽然系以铁板烧方法处理，但出嚟口感系好似炆咁软滑淋身，但又带少少爽口，配埋个鲍鱼肝汁，令到个味道更鲜甜可口。
烧活龙虾 - 只龙虾劲生猛，起肉即烧，就一定好食，但最画龙点睛系佢地用埋鲜刮出嚟嘅龙虾头膏配埋虫草花去做左个好浓密嘅酱汁，个味道真系差d妹仔大过主人婆呀。
鹅肝多士 - 呢个鹅肝上枱时已经闻到煎得好香，又厚身，面头再淋上苹果蓉酱；仲配埋柚子汁鸡冠草当沙律，同一件冰菠萝，等你食完鹅肝之后用嚟中和油腻感。
日本A4和牛 - 和牛我一般都会拣食A4多过A5，因为无咁油同漏，但肉味同肉质就相差唔远，食靓牛一向都唔需要太熟，所以只系要5成，呢个A4和牛可以配埋wasabi或者盐渍昆布一齐食，我就比较钟意配wasabi，可以将牛味提升不少。
炒野菜 - 食左咁多野，呢个时候上一份炒什菜，真系神来之笔，可以清一清除内心同口腔个份油腻感。
龙虾头面豉汤 - 呢个面豉汤都嚟得真合时，可以比客人滋润返下个口，之前食只龙虾个头亦系呢个时候出现返，个面豉汤都非常香浓好饮。
炒饭 - 个炒饭系冬菜炒饭，听到到吓一跳，竟然用咁中式嘅腌菜去做日式炒饭，但出嚟个味道都好夹，厨师仲系面洒上少少白芝麻，令到客人食饭位时仲会咬到一粒粒脆口嘅芝麻，口感就更加特别。
甜品 - 甜品系雪榚，今日味道有柚子同芝士选择，我当然就要试晒两款啦。柚子系雪芭，清新带少少酸甜，仲有柚子果肉；芝士就系雪榚，好浓芝士香，少少咸味衬托甜甜嘅奶香味。
☕️🍵🥤🧋🍺🍷🥃🍹🧉🍾🍶🥛
饮品 : 餐厅配以日式煎茶招呼客人，味道都好香，职员斟茶速度亦都异常咁快，当然仲可以叫其他酒类饮品。
🍽环境：餐厅装修好靓，简洁得来好高级感觉，加上又新净；坐位就唔多，大约得15~6个，主力都系铁板烧吧枱位，另外仲见到有间VIP房，整体都坐得好舒服，又唔会好重油烟味；餐厅楼层虽然唔算高，但景观都十分开扬，可以话睇住靓景食个靓饭。
🤵🏻🤵🏻♀️🤵🏻♂️服务：职员服务真系非常好，全程照顾周到，虽然未去到话一对一服务，但比到人感觉都差唔多系咁上下咁重视；铁板烧师傅亦会好详细咁同客人讲解每道菜嘅做法同食法，等你更加清楚了解每一道菜内藏嘅心思，而且厨师好健谈，会同你有不少互动，令到成餐2个钟头嘅晚饭过得好欢乐。
💰💸价钱：今日叫左个精选2人前套餐就$2,480/2人再加一，以咁高级嘅日式铁板烧餐厅，优质嘅服务质素，高档次嘅食材嚟讲，价钱都算合理。
🐲💬总结：佢嘅食物做得相当出色而且精致，服务又非常好，价钱虽然唔算好平，但计埋性价比就算十分合理，如果有节日/庆祝之类，我绝对觉得可以嚟试下呢度d美景美食。
推荐指数：❤️❤️❤️❤️❤️
3 浏览
0 赞好
0 留言
沙律/前菜
4 浏览
0 赞好
0 留言
帆立贝
5 浏览
0 赞好
0 留言
金鲷立鳞烧
20 浏览
0 赞好
0 留言
青森县虾夷鲍鱼
6 浏览
0 赞好
0 留言
烧活龙虾
1 浏览
0 赞好
0 留言
鹅肝多士
3 浏览
0 赞好
0 留言
日本A4和牛
1 浏览
0 赞好
0 留言
炒什菜/龙虾头面豉汤/冬菜炒饭
2 浏览
0 赞好
0 留言
甜品
1 浏览
0 赞好
0 留言
张贴
