影片
更多
2023-08-25
773 浏览
最近试咗一间位于K11嘅韩烧店，超有惊喜🤩 本身我唔系特别钟意食韩烧，因为好少可喺香港食到好食嘅韩烧，但呢间餐厅绝对入到我嘅韩烧top 3😎 同埋佢嘅性价比几高下，嗌2人餐都系$300几🤪🌟 精选2人烧烤牛肉套餐 $338。 极级霜降肉 推❗️餐厅将肉卷成玫瑰花造型，打卡够哂靓🤩 霜降肉色泽鲜红，油脂分布均匀，食落牛味好浓😌 一啲筋都冇，点少许盐食就最正！。 牛膈肌同样系玫瑰花造型嘅牛膈肌，食落就较软腍，而且好似有少少调咗味咁，同样都好好食😋。 牛肋骨牛肋骨会有少少肥膏痴住，不过餐厅有铰剪提供，好轻松就可以剪走啲肥肉，虽然食落油脂重啲，但肉质都系软腍好食嘅，夹埋啲蔬菜一齐食就啱啱好😝。 韩式调味牛肋骨肉呢个调咗味嘅牛肋骨肉都好正🥹 牛肋骨肉腌得劲入味，口感有嚼劲得嚟又唔会韧，本身佢系一大块肉，建议烧完剪开细细块，方便进食🙌🏻。 菠萝呢度嘅菠萝切到一口size，非常贴心，而每旧都超甜超多汁，好好食！。 秘制特级牛舌呢个餐仲包咗其他肉可以嗌，我哋拣咗牛舌，佢呢度嘅牛舌大大块，有一定厚度，食落几爽口，而且牛味超浓郁🤤。 芝士紫菜饭卷伴生牛肉 +$18 推❗️另外，我哋仲加咗少少钱要呢个紫菜饭
🌟 精选2人烧烤牛肉套餐 $338。 极级霜降肉 推❗️
餐厅将肉卷成玫瑰花造型，打卡够哂靓🤩 霜降肉色泽鲜红，油脂分布均匀，食落牛味好浓😌 一啲筋都冇，点少许盐食就最正！
。 牛膈肌
同样系玫瑰花造型嘅牛膈肌，食落就较软腍，而且好似有少少调咗味咁，同样都好好食😋
。 牛肋骨
牛肋骨会有少少肥膏痴住，不过餐厅有铰剪提供，好轻松就可以剪走啲肥肉，虽然食落油脂重啲，但肉质都系软腍好食嘅，夹埋啲蔬菜一齐食就啱啱好😝
。 韩式调味牛肋骨肉
呢个调咗味嘅牛肋骨肉都好正🥹 牛肋骨肉腌得劲入味，口感有嚼劲得嚟又唔会韧，本身佢系一大块肉，建议烧完剪开细细块，方便进食🙌🏻
。 菠萝
呢度嘅菠萝切到一口size，非常贴心，而每旧都超甜超多汁，好好食！
。 秘制特级牛舌呢个餐仲包咗其他肉可以嗌，我哋拣咗牛舌，佢呢度嘅牛舌大大块，有一定厚度，食落几爽口，而且牛味超浓郁🤤
。 芝士紫菜饭卷伴生牛肉 +$18 推❗️另外，我哋仲加咗少少钱要呢个紫菜饭卷，一开头见到系生牛肉都惊自己食唔惯，但食落又几ok㖞，生牛肉调咗味，软腍嘅口感夹埋炸过嘅紫菜包饭一齐食出奇地夹，加上柠檬汁更加fresh，值得一试☺️
。 水果梳打呢个套餐仲包埋嘢饮，我哋分别嗌咗柚子梳打同荔枝梳打，饮果味嘅梳打配烧肉就最啱不过，可以解油腻之余仲好啱夏天饮！
除咗套餐之外，我哋仲嗌咗以下嘅配菜。
🌟 大虾伴烤杂菜及蘑菇拼盘 $88呢个拼盘嘅种类劲丰富，有翠玉瓜、三色椒、茄子同唔同嘅菇类，仲有4只蒜蓉大虾，肉质爽口弹牙，店家𠝹开咗一半，更容易睇到入面熟未，非常贴心！
🌟 蒜蓉牛油煮大蚬 $68呢个大蚬本身已经熟咗，只需要轻轻放喺炉面烘返热就食得！食落蒜蓉同酒味重啲，牛油味就唔算太出，但都唔错，如果份量再多返少少就更好😌
🌟 韩式酱油腌生蟹 $208最后，我哋仲嗌多咗份酱油蟹，一只嘅价钱嚟讲算抵食，蟹膏几多下，食落咸鲜，佢嘅酱油系偏甜少少，酒味唔算太重，啱哂我哋口味，记得加多$15要埋紫菜饭，蟹膏捞饭绝配😎
张贴
