映月樓

营业中

休息中

寻晚朋友大寿，谂住摆番围食大佢，有朋友建议文化中心的映月楼，贪佢有靓景。点知订位话冇得指明窗口位，已经唔顺超，点知服务员一致恶劣的态度，绝对令人嬲到爆炸！订位8:30，齐人差唔多九点，点菜叫1,988 十二位的龙虾宴，问个女经理信用卡优惠时，佢嘅态度已经显得有点不耐烦。𩠌黎到，大碟，但系水准一般，开头都仲ok，去到中后段唔知系咪赶收工，菜的质素每况愈下......食大约十点，走剩我地一枱，班待应已经喺度搬枱搬椅，女经理大大声吩咐下属，仲暗示我地张枱未走阻住佢闩唔到块屏风。时为十时零几分，女经理突然自发捧出蛋糕，喺后面讲：「同我攞d碟出黎，而家切蛋糕。」喂，我地几时话过要切蛋糕呢？而家你指示我地?快d食完，唔该唔好阻住？于是我们发难，问女经理你系咪好赶收工。女经理寸过码头咕喱:「唔赶，我地唔赶。」跟住就吩咐将我地的蛋糕放埋一边。但我地坚持要佢放番落雪柜，直至另行通知。其实喺呢个时候，分别有两枱外藉人士入黎食饭，即系根本就未收工啦！我地跟本唔会理佢，一直食到11点几先走，又影相又唱歌又盛，你吹得我涨咩？埋单2xxxx，香港旅游业有呢种服务员，真系多得佢唔少。