Library Restaurant and Bar

营业中

休息中

今日同妈妈一齐去尖沙咀行街食野。之前睇过有间少有名气嘅楼上餐厅  Library Restaurant and Bar.今日就去左一试。餐厅喺文逊大厦3/F,一出䢂就见到餐厅入口，门口装修好有神秘感！仲有梳化比等位嘅食客等候，相当贴心。我地叫左两个set lunch包饮品同沙律/汤 share。是日餐汤系南瓜汤配香脆面包片，饮落绵滑，有好香甜嘅南瓜味。沙律系腌三文鱼沙律，味道清新，配上黑醋，非常开胃。主菜其中一个叫左 烟花女茄汁海鲜意大利粉，配料有两只大虾，鱿鱼等海鲜。落单时店员仲有问意粉需唔需要煮谂d，照顾唔同人嘅需要。 意大利粉叫左煮谂d嘅但都够咬口，食落唔会太粉，茄汁香浓厚身，每啖都食到蕃茄嘅惹味。另一个叫左 烤猪鞍牛油薯蓉香菇忌廉汁，烤猪鞍整得非常好食，肉质嫰滑，脂肪分布平均。牛油薯蓉香滑，配菜仲有芦荀。 Set包嘅餐茶系热情果茶，有冻热拣。饮落清新，有啖啖热情果香味，应该冇再额外加糖。另一杯加配Iced Mocha. 朱古力同咖啡比例啱啱好，够香浓。餐厅仲设有室外座，见唔少食客都边打卡边品尝。