美中·鴨子 (已結業)

曾经同屋企人黎过呢间经常人山人海的餐厅食，但无奈上次职员落漏单无呢到的招牌菜片皮鸭，今次就提议同旧同学黎食。由于有同学仔唔食猪，所以我们叫多左几个羊同鸭的菜式。呢碗羊肉汤面就系其中之一了。羊肉入味唔膻又够淋，几好食。小葱虾仁炒饭的饭粒够干身，加埋蛋同葱一齐炒好香 不过多虾的份量少了点。虫草花炒翡翠苗，D菜苗炒完仲系好嫩好绿。小笼包系朋友仔的最爱，皮唔太厚，而且D汤会爆汁架，入面的猪肉都非常Juicy。小羊腿用椒盐整到香香的，用面包夹埋葱同海鲜酱又几好食㖞！云呑汤分左8碗都够饮，云呑Juicy加上鸭肉嫩滑，饮完会再想添！主角片皮鸭到了！鸭皮烧得又香又脆，仲要唔多肥膏！鸭肉唔干，软软衬埋香葱同海鲜酱，口感几丰富！朋友们食完主食仲未够喉，所以叫左三款甜品share。豆沙窝饼外面够脆，红豆馅又够香又够热。炒雪糕会有唔同味道的雪糕比大家选择。朋友仔仲好钟意上面的糖丝！另外，多们更叫左一份朱古力心太软，不过蛋糕焗耐左少少，朱古力流心唔会一切就爆出黎。