影片
更多
2022-07-23
3155 浏览
琴晚同朋友去咗呢间新开嘅东南亚餐厅，真系要趁我仲记忆犹新同大家分享呢个以身试伏嘅经验😪 餐厅装修格调塑造到好似外国海滩餐厅嘅感觉，有室内同室外花园🏝夜晚收咗太阳坐室外都唔系好热，但book位记得要讲明想坐室内定室外，如果唔系会random allocate～‼️可能因为餐厅开业只有个几星期实在系太新，所以店员training明显不足有好多嘢都唔清楚，例如招牌cocktail系咩都要再问下，斟水会斟有水嘅杯而唔系空杯🫣 亦有漏单/ 落咗单等超过30-45分钟先上菜，食物质素亦有好大好大嘅进步空间🫤Satay Skewers ($98/ 4pcs) 一食落去我同朋友个样都变晒，个味劲奇怪就好似落咗好多个青柠同落咗成斤盐落啲沙嗲度，系劲酸同劲咸，然后肉质好梅劲唔似鸡肉，我咬咗一啖真系冇办法再食落去😣Single Bone Chicken Wings ($88)鸡翼就正常好多，仲带有微微嘅咸蛋黄咸香，都不错嘅，系唯一一碟我同朋友们有食晒嘅嘢～Zucchini Noodle in Chorizo Cream Sauce with Seared Scallops ($208)我哋觉得呢个翠玉瓜面好似
餐厅装修格调塑造到好似外国海滩餐厅嘅感觉，有室内同室外花园🏝夜晚收咗太阳坐室外都唔系好热，但book位记得要讲明想坐室内定室外，如果唔系会random allocate～
‼️可能因为餐厅开业只有个几星期实在系太新，所以店员training明显不足有好多嘢都唔清楚，例如招牌cocktail系咩都要再问下，斟水会斟有水嘅杯而唔系空杯🫣 亦有漏单/ 落咗单等超过30-45分钟先上菜，食物质素亦有好大好大嘅进步空间🫤
Satay Skewers ($98/ 4pcs)
一食落去我同朋友个样都变晒，个味劲奇怪就好似落咗好多个青柠同落咗成斤盐落啲沙嗲度，系劲酸同劲咸，然后肉质好梅劲唔似鸡肉，我咬咗一啖真系冇办法再食落去😣
Single Bone Chicken Wings ($88)
鸡翼就正常好多，仲带有微微嘅咸蛋黄咸香，都不错嘅，系唯一一碟我同朋友们有食晒嘅嘢～
Zucchini Noodle in Chorizo Cream Sauce with Seared Scallops ($208)
我哋觉得呢个翠玉瓜面好似冇落调味就咁用水煮完就摆上碟咁，但个带子又劲咸，唔系好知自己食紧乜😦
Tom Yum Gong Risotto with Seafood Galore ($258)
份量唔算大，意大利饭系好有冬䕃公味好入味，配料有一只大虾、软壳蟹同带子，但同样地带子又系劲咸，系条脷轻轻掂到都已经觉得好咸😵💫
饮品都几啱打卡，Mocktail Canloocan ($58) 同Hue ($58)都清新🍹Cocktail Damn Pissed Off ($128) 卖相好cute🛁 室外花园个景系几靓，我会建议大家可能嚟饮杯嘢shi下sha就好了😅
张贴
