漁道樂 (已結業)

虽然早两星期已经开返关，但无假期想去旅行谈何容易？眼睛想旅行同时，舌头都会想旅行。挂念东京嘅居酒屋，身在香港嘅我就决定揾间和风十足嘅餐厅好让自己嘅味蕾走返转日本。餐厅装修氛围好有去咗惠比寿横町嘅感觉。岩手生蚝刺身岩手县生蚝海水味道不太浓，清新嘅鲜甜味正正系佢嘅特色。蚝身少少爽脆口感丰富，三文鱼籽点缀下鲜味又再提升。清酒煮蚬香浓嘅清酒味十分扑鼻，蚬肉新鲜肉身饱满。最重要系只只都煮到开哂壳吐哂沙，可以放心大快朵颐。明太子玉子烧玉子烧加明太子可以话系定律嚟，味道香浓时又唔会太过地抢走蛋味，平衡得好好。牡蛎和牛非常出色嘅菜式浓味嘅蚝肉撞上creamy 油分感十足嘅和牛，加上海胆同鱼籽酱嘅配搭，味道层次系慢慢递进。先系蚝嘅香浓，再嚟系和牛嘅油脂感，再以鱼籽酱嘅咸香作结。龙虾野菜锅最最最期待嘅一道锅物！ 因为佢系out of menu 嘅餐厅推介。新鲜生㓥嘅龙虾用上野菜清汤汤底，鲜甜嘅味道已经超出笔墨形容。龙虾肉爽口弹牙无需点任何酱汁已经好够味。